Сайёрадаги энг ноёб жониворлардан бири – илвирс аслида республикамизда тахминан 20-22та деб ҳисобланади. Мушуксимонлар оиласига мансуб ушбу йиртқични қор барси ҳам дейишади.
Яқинда Ҳисор давлат қўриқхонаси ходимлари тоғнинг Шаҳрисабз тумани ҳудудида қор барсини кўриб қолишганини маълум қилишди. Бу ҳақда Шаҳрисабз тумани ҳокимлиги хабар берди.
Қўриқхона ходимлари қор барсининг суратини олишга ҳам муваффақ бўлишган. Ҳокимлик ахборот хизмати ходимининг сўзларига кўра, тоғли ҳудуд аҳолиси ва қўриқхона ходимлари бундан олдин сўнгги марта 2010 йилда қор барсига дуч келишган.
Маълумотларга кўра, ҳайвонот оламида жуда ҳам камайиб бораётган, Марказий ва Жанубий Осиё жониворлари подшоҳи деб аталадиган илвирс бугунги кунда дунё миқёсида 16та мамлакатда 3-4 мингтагача борлиги тасдиқланган. Барча давлатларда «Қизил китоб»га киритилган.
Мутахассисларнинг маълум қилишича, қор барсининг камайиб кетишига асосий сабаб сифатида озиқ-овқат базасининг етишмовчилиги келтирилади. Шу сабабдан улар борган сари тоғларнинг юқори қисмига қараб кетмоқда. Шунингдек, уларнинг камайишига экология ёмонлашуви ва инсоннинг табиатга аралашуви каби салбий омиллар ҳам таъсир кўрсатмоқда.
Мазкур омилларни яқиндан ўрганиш ва ўқувчиларга етказиш мақсадида Kun.uz жамоаси томонидан Ҳисор тоғ тизмаларида экспедиция уюштириш режалаштирилган. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Кальяри” Шомуродов бўйича бир қарорга келди
Асаб толаларини мустаҳкамлашда муҳим бўлган витаминлар
Саудия Арабистони валиаҳд шаҳзодаси Фаластин президенти билан учрашув ўтказди
Тимур Кападзе тарихий натижа қайд этилганидан сўнг нималар деди?
Ҳатто мева мумкин эмас: жигар учун зарарли уч одат
Андижонда келин эрининг уйидан сепларини МИБ орқали қайтариб олди
Интернет-қароқчилик. Бунинг учун қандай жавобгарлик бор?
Ушбу модданинг етишмаслиги тамаки каби умрни қисқартиради
