Қашқадарё вилояти ИИБ бошлиғининг биринчи ўринбосари, полковник Самад Териқулович Турдиев Чироқчи тумани ИИБ биносидан гумондорнинг мурдаси чиқиши ортидан истеъфо берган. Бу ҳақда Қашқадарё вилояти ИИБ биносида ўтказилган брифингда маълум қилинган.
«Бу одам юз берган воқеадан виждони кўтармасдан истеъфо бериб юборди. У ишдан бўшатилмади, ўз ташаббуси билан истеъфога чиқди», дея манба сўзларини келтирмоқда Kun.uz нашри.
Маълумот учун, Самад Турдиев 2017 йилнинг июнида Қашқадарё вилояти ИИБ бошлиғининг биринчи ўринбосари лавозимига тайинланганди. Бунга қадар у 2015 йил февралидан Китоб тумани ИИБ бошлиғи бўлган. У 2018 йилнинг мартида подполковник даражасига кўтарилганди.
26 январь куни Қашқадарё вилоятининг Чироқчи тумани Лангар қишлоғида яшовчи 32 ёшли эркак Ю.А 22 январь куни яшаш уйидан туман ИИБ ходимлари томонидан олиб кетилгани, 23 январь куни эса ИИБдан унинг мурдаси чиққани ҳақида хабарлар тарқалганди.
27 январь куни вилоят прокуратураси мазкур ҳолат юзасидан 23 январь куни Чироқчи тумани ИИО ФМБ ходимларига нисбатан Жиноят кодексининг 206-моддаси 1-қисми («Мансаб ваколати доирасидан четга чиқиш») ва бошқа моддалари билан жиноят иши қўзғатилиб, тергов ҳаракатлари олиб борилаётганини маълум қилди.
«Дарё» мухбири марҳумнинг яқинлари билан, шунингдек, ўша куни Ю.А билан бирга тергов қилиш учун олиб борилиб, қийноққа солинган ота-бола Қурбон Остоноев ва Баҳром Авлиёқулов билан ҳам гаплашган. Уларнинг барчаси Ю.А шафқатсизлик билан калтакланганини таъкидлашган, ИИБ ходимлари қотилликни яшириш учун гувоҳларнинг оғзини ёпишга урингани ҳақида айтиб беришганди. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда ўтган уч ойда қанча автомобиль ишлаб чиқарилган?
Рамзан Қодировнинг 19 ёшли қизи медаль билан тақдирланди
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Германиянинг Knauf компанияси Россиядан бутунлай чиқиб кетишини тасдиқлади
Швейцария президенти Путинга мактуб йўллади
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
Зоҳида Умарова нима сабабдан ўғли ва келини билан бирга яшамаслигини айтди
Футзал. Осиё Кубоги. Тожикистон Японияни гуруҳда қолдирди