Ахборот технологиялари ва коммуникацияларини ривожлантириш вазирлиги ўзбекистонликларга карантин вақтида энг хавфсиз бўлган гибрид почта хизматидан фойдаланишни тавсия этди.
Берилган изоҳга кўра, «гибрид почта» хизмати бу – замонавий АКТ тизимлари имкониятларидан унумли фойдаланилган ҳолда, электрон тарзда қабул қилинган маълумотларни буюртмали ёки оддий хат-хабарлар шаклида почта алоқаси ёрдамида қабул қилувчи жисмоний ёки юридик шахсларга етказиб бериш хизмати ҳисобланади.
«Хизмати махсус тизим базасига келиб тушган маълумотлар республиканинг туманларида жойлашган почта алоқаси тармоқларида қоғоз кўринишида чоп этилади, конвертланади ва етказиб берилади. Жўнатма тақдим этилгандан сўнг ҳолати бўйича электрон тарзда тасдиқловчи маълумот берилади.
Жўнатмалар ўз вақтида, ишончли етказиб берилиши доимий назорат қилиб борилади. Ҳар бир жўнатманинг ҳолати тўғрисида бириктирилган штрих-код орқали махсус дастурдан маълумот олиш имконияти мавжуд», – деди вазирлик ахборот хизмати раҳбари Шерзод Аҳмадов 8 апрель кунги брифингда.
Қайд этилишича, бу хизмат орқали Давлат хизматлари агентлиги ҳужжатлари, Йўл ҳаракати хавфсизлиги бошқармасининг жарима хабарномалари, Тошкент шаҳар Мажбурий ижро бюросининг хабарномалари ва бошқа шу каби жўнатмалар етказиб берилмоқда.
«Вазирлик барча давлат идоралари ва бошқа ташкилотларга «Ўзбекистон почтаси» АЖнинг «Гибрид почта» хизматидан фойдаланишни тавсия этади.
Шуни ҳам таъкидлаш керакки, «Ўзбекистон почтаси» АЖ бошқа давлатлардан барча турдаги почта жўнатмаларини санитария-эпидемиологик жиҳатдан уларнинг хавфсизлигини таъминлаш бўйича барча зарур чораларни кўрган ҳолда қабул қилмоқда ва юбормоқда», – деди Шерзод Аҳмадов. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Россия дунёдаги биринчи водород ёқилғили автомобилни тақдим этди
Тошкентда 02 кодли авторақамлар тахминан қачон пайдо бўлиши айтилди
Америкалик олимлар барча учун бирдек фойдали жисмоний фаоллик турини аниқлади
Германияда мактаб ўқувчилари оммавий равишда ислом динини қабул қилмоқда
Эрон президенти жиддий баёнот берди: «Исроилдан ҳеч нарса қолмайди»
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Владимир Путин «Крокус»да содир этилган теракт учун ўч олишга чақирди