2 317
Ўзбекистонда халқ табобати бўйича мутахассисларни тайёрловчи пуллик марказлар ташкил этилади
«Ўзбекистон Республикасида халқ табобатини ривожлантиришга доир қўшимча чора-тадбирлар тўғрисида» Президент қарори қабул қилинди, деб хабар бермоқда Адлия вазирлиги матбуот хизмати.
Қарорга мувофиқ, 2020 йил 1 майдан давлат муассасаси шаклидаги юридик шахс мақомига эга Республика халқ табобати илмий-амалий маркази (Республика маркази) ҳамда тиббиёт ОТМлари ва Абу Али ибн Сино номидаги Жамоат саломатлиги техникумларида юридик шахс мақомига эга бўлмаган Халқ табобатини ривожлантириш марказлари (Ҳудудий марказлар) ташкил этилади.
Республика марказининг асосий вазифаларидан бири халқ табобати усулларидан фойдаланган ҳолда касалликларни профилактика қилиш, ташхис қўйиш ва даволашнинг самарадорлигини таҳлил қилиш ва ўрганишдан иборат.
Республика маркази ССВнинг ташкилий тузилмасига киради ва унга вазирлик томонидан Вазирлар Маҳкамаси билан келишилган ҳолда лавозимга тайинланадиган ва лавозимидан озод этиладиган директор раҳбарлик қилади.
Ҳудудий марказларда ўқитиш соғлиқни сақлаш вазири томонидан тасдиқланган ўқув режалари ва дастурлари бўйича пуллик асосда амалга оширилади, ўқитиш қийматининг миқдори Республика маркази томонидан белгиланади.
Ҳудудий марказларнинг битирувчиларига халқ табобати бўйича малака оширганлик тўғрисида расмий ҳужжат деб тан олинадиган белгиланган шаклдаги сертификат берилади.
Халқ табобати бўйича мутахассисларни тайёрлаш курсларини муваффақиятли тамомлаган тиббий маълумотга эга бўлмаган шахсларга Вазирлик томонидан тасдиқланадиган шаклдаги халқ табобатининг тегишли йўналишларида фаолият олиб бориш ҳуқуқини берувчи гувоҳнома берилади.
2020 йил 1 майдан туман (шаҳар), вилоят ва Республика даражасидаги давлат кўп тармоқли тиббиёт муассасаларида ҳамда нодавлат тиббиёт ташкилотларида халқ табобати хоналари очилади.
«Ўзбекистон Республикасида халқ табобатини ривожлантиришга доир қўшимча чора-тадбирлар тўғрисида» Президент қарорининг тўлиқ матни билан қуйидаги ҳавола орқали танишиш мумкин. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда зилзилага тайёргарлик кучайтирилади
«Реал Мадрид» устози Карло Анчелотти кечаги ғалабадан сўнг нималар деди?
Эрдўғон: «Исроил Гитлердан ҳам ўтиб кетди»
Қозоғистонлик миллиардерлар сув тошқинидан зарар кўрган ҳудудларга маблағ ажратди
Дунёдаги энг бой араб шайхининг рафиқаси қандай кўринишга эга?
Тадбиркорларга қўлланадиган молиявий жарима камайтирилади
Нега Трамп Зеленскийни ёмон кўради?
Зеленский: Россия Украинанинг иссиқлик энергетикасини деярли тўлиқ яксон қилди
