Фото: Давлат божхона қўмитаси ахборот хизмати
Божхона органлари томонидан гиёҳвандлик воситаларининг ноқонуний айланмасига қарши мунтазам кураш олиб борилмоқда – дея маълумот берилади Божхона қўмитаси хабарида.
Жумладан, Тошкент шаҳар божхона бошқармаси Контрабанда ва божхона қонунчилиги бузилишига қарши курашиш бўлими ходимлари Давлат хавфсизлиги хизмати вакиллари билан ҳамкорликда пойтахтимизнинг Чилонзор туманида тезкор тадбир ўтказишди.
Тезкор тадбир давомида Чилонзор туманида ҳаракатланиб кетаётган фуқаро С.С. бошқарувидаги “Ласетти” русумли транспорт воситаси тўхтатилиб, ўрнатилган тартибда кўздан кечирилди.
Натижада, автомашина салонидаги ноутбук сумкасида полиэтилен пакетга ўралган 202,7 гр.“опий” гиёҳвандлик воситаси борлиги аниқланди.
Юртимизда коронавирус пандемиясига қарши кураш олиб борилаётган синовли кунларда, ушбу шахс қонун-қоидаларни менсимасдан автомашинани ноқонуний равишда бошқариб, жиноят содир этганлиги ачинарлидир.
“Қилмиш-қидирмиш” деганларидек, энди ушбу шахс ўз қинғирликлари учун қонун олдида жавоб беради.
Ҳозирда юқоридаги ҳолат юзасидан божхона органлари томонидан суриштирув ишлари олиб борилмоқда. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда зилзилага тайёргарлик кучайтирилади
«Реал Мадрид» устози Карло Анчелотти кечаги ғалабадан сўнг нималар деди?
Эрдўғон: «Исроил Гитлердан ҳам ўтиб кетди»
Қозоғистонлик миллиардерлар сув тошқинидан зарар кўрган ҳудудларга маблағ ажратди
Зеленский: Россия Украинанинг иссиқлик энергетикасини деярли тўлиқ яксон қилди
Бизнес имкониятингизни кенгайтиринг
Тадбиркорларга қўлланадиган молиявий жарима камайтирилади
Қондаги шакар миқдорини тартибга солувчи фойдали мева номи айтилди