Фото: «Фергана»
Аввалроқ Тошкент вилоятидаги «Ўртасарой» карантин марказида 42 ёшли фуқаро 20 июнь куни ўзини осиб қўйгани ҳақида хабар берилганди. Ушбу фуқаро 15 июнь куни чартер рейс билан Москвадан келган. Бош прокуратура мазкур ҳолат бўйича расмий маълумот берди.
Аниқланишича, Фарғона вилоятидан бўлган фуқаро С.С. 2020 йил 20 июнь куни Юқори Чирчиқ туманидаги «Ўртасарой» карантин марказида ўзи ётган хонага ўрнатилган кондиционернинг ташқи томондаги паррагига чойшаб билан номаълум сабабларга кўра ўзини осганлиги оқибатида вафот этган.
Иш ҳужжатларига кўра, С.С. 15 июнь куни Uzbekistan Airways томонидан ташкил қилинган чартер рейс орқали Москвадан Тошкентга келган ва коронавирусига чалинган ёки чалинмаганлигини аниқлаш мақсадида «Ўртасарой» карантин марказига жойлаштирилган ва ундан таҳлил учун намуна олинган.
Ўзини осиб қўйган фуқаро билан дастлаб бир хонага жойлаштирилган А.Э.нинг маълум қилишича, 15 июнь куни улар чартер рейс билан Москвадан Тошкентга келган ва шу куннинг ўзида «Ўртасарой» карантин марказида С.С. билан бирга тўрт киши битта хонага жойлаштирилган. Унинг сўзларига кўра, С.С. ўзини ёмон тутиб, касалликка чалинганлигини айтган ва улар билан туришни хоҳламаган. Шундан сўнг, С.С. ярим соатча хонанинг ҳовлисида ўтирган, шифокорлар келиб у билан суҳбатлашган ва уни алоҳида хонага жойлаштирган.
Шунингдек, «Ўртасарой» карантин марказига хизматга келган, Тошкент шаҳар Олмазор туман кўп тармоқли марказий поликлиника шифокори Ш.М. нинг ҳолат юзасидан берган тушунтиришига кўра, фуқаро С.С. карантин ҳудудига жойлаштирилган кундан бошлаб ўзини агрессив тута бошлаган, овқат ейишни хоҳламаган, вирусга чалинганлигини айтиб, у билан бирга жойлаштирилган шахсларга касаллигини юқтириши мумкинлигини билдирган. Шифокорнинг сўзларига кўра, С.С. хонадаги шериклари билан бирга туришни хоҳламаган ҳолда бошқа контейнерга жойлаштиришларини талаб қилган. Шундан сўнг, блокда тинчлик сақлаш мақсадида С.С. бошқа хонага ўтказилган. 16 июнь С.С. психиатр кўригидан ўтган.
Ҳозирда мазкур ҳолат юзасидан Юқори Чирчиқ туман прокуратураси томонидан терговга қадар текширув ҳаракатлари олиб борилмоқда.
«Вирусология маркази томонидан тақдим қилинган йўлланма натижасига кўра, С.С.да COVID-19 инфекцияси аниқланмаган», — дейилади Бош прокуратура хабарида.
Эслатиб ўтамиз, Тошкент вилоятининг Юқори Чирчиқ тумани Ўртасарой ҳудудидаги 16 гектар майдонни эгаллаган, 10 700 кишини қабул қилишга мўлжалланган карантин маркази апрель ойида фойдаланишга топширилган эди. Бу ерга хориждан Ўзбекистонга кириб келган фуқаролар 14 кунлик карантинга жойлаштирилади. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Лукашенко Ғарбга таҳдид билан чиқди
Ортиқча вазнли инсонлар учун соғлом овқатланишнинг бешта муҳим қоидаси
Тошкентда 02 кодли авторақамлар тахминан қачон пайдо бўлиши айтилди
Германияда ишлаш истагида бўлган ўзбекистонлик мутахассислар учун немис тили ўргатилади
Германияда мактаб ўқувчилари оммавий равишда ислом динини қабул қилмоқда
АҚШнинг Ғазодаги сиёсатидан норози Давлат департаменти расмийси истеъфога чиқди
Сариқми ёки яшил: қайси турдаги банан фойдалироқ?
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
