Ўзбекистонда коронавирусдан тузалиб чиққанлар сони 4600га яқинлашди

Соғлиқни сақлаш вазирлиги мамлакатнинг 4 ҳудудида жами 28 нафар бемор соғайиб, Ўзбекистонда шу вақтгача касалликдан тузалиб чиққанлар сони 4588 нафарга етгани ҳақида хабар берди.

Бугун Тошкент шаҳридаги Эпидемиология, микробиология ва юқумли касалликлар илмий-текшириш институти клиникасида 19 нафар, Бухоро вилоятида 6 нафар, Самарқанд вилоятида 2 нафар, Андижон вилоятида 1 нафар, жами 28 нафар коронавирус инфекциясига чалинган бемор соғайиб, ўз уйига кузатилди.

Тошкент шаҳрида тузалганларнинг 10 нафари эркак, 9 нафари аёл бўлиб, уларнинг энг ёши улуғи 66 ёшда, энг кичиги эса 10 ёшда. Тошкент шаҳри ва вилоятида коронавирус инфекцияси 4211 нафар ҳолатда қайд этилган бўлса, эндиликда ушбу касалликдан соғайганлар сони 2470 нафарга етди.

Андижон вилоятида бугун касалликдан фориғ бўлган 43 ёшли эркак билан бирга ушбу ҳудудда коронавирус инфекциясидан соғайганлар сони 181 нафарни ташкил қилмоқда. Вилоятда 13 нафар бемор даволанмоқда.

Бухоро вилоятида касалликдан фориғ бўлганларнинг 2 нафари эркак ва 4 нафари аёл бўлиб, уларнинг ёши каттаси 52 ёшда, энг кичиги эса 2020 йилда туғилган қизалоқдир. Эндиликда ушбу ҳудудда коронавирус инфекциясидан соғайганлар сони 478 нафарга етиб, 29 нафар бемор даволанмоқда.

Самарқанд вилоятида бугун касалликдан фориғ бўлган 51 ёшли аёл ва 26 ёшли эркак билан бирга ушбу ҳудудда коронавирус инфекциясидан соғайганлар сони 386 нафарни ташкил қилмоқда. Вилоятда 26 нафар бемор даволанмоқда.

Шундай қилиб, бугун шу вақтгача 28 нафар коронавирус инфекциясига чалинган бемор тузалиб, ҳозирда мамлакат бўйлаб соғайганлар сони 4588 нафарни ташкил этмоқда. “Замин” янгиликларини “Одноклассники”да кузатиб боринг