Судлар фаолияти янада ихтисослаштирилди

Ўзбекистон Республикаси Президентининг 2020 йил 24 июль куни қабул қилинган ПФ-6034-сонли “Судлар фаолиятини янада такомиллаштириш ва одил судлов самарадорлигини оширишга доир қўшимча чора-тадбирлар тўғрисида”ги тарихий Фармони мамлакатимизда суд-хуқуқ соҳасини янада такомиллаштириш ва бу соҳада олиб борилаётган ислоҳатларни янада чуқурлаштириш мақсадини кўзда тутуди.

Бугунги кунда мамлакатимизда яшаётган турли миллат вакиллари, айниқса тадбиркорларнинг хуқуқ ва қонуний манфаатларини ҳимоя қилишга хизмат қилади. Ҳар бир фуқаро ирқи, миллати, дини, эътиқоди ва ижтимоий келиб чиқишидан қатъи назар суд ҳимояси билан таъминланиши кафолатланиши лозим.

Сўнгги йилларда суд-ҳуқуқ соҳасида йўл қўйилаётган камчиликларни бартараф этиш, суд органларининг амалдаги тузилишини ҳозирги давр талаблари асосида, шунингдек халқаро ҳуқуқнинг умумэътироф этилган тамойилларига риоя қилган ҳолда қайта кўриб чиқиш, мавжуд муаммоларни ҳал этиш зарурияти мазкур Фармоннинг асосий мақсадларидан бири бўлиб ҳисобланади.

Бу Фармон бутун мамлакатимизда суд-ҳуқуқ соҳасида ўтказилаётган ислоҳатларни изчил амалга ошириш, фуқароларнинг суд идораларига бўлган ишончини юксалтириш, судда ишларни кўриш сифатини ошириш ҳамда адолатли ва қонуний суд қарорларини қабул қилиш учун тарафларнинг тенглиги ва тортишувчанлигини амалда таъминлаш механизмини амалиётга татбиқ қилишга хизмат қилади.

“Замин” янгиликларини “Инстаграм”да кузатиб боринг