21:30 / 02.02.2021
1 430

Қўл протези ичига яширилган заргарлик буюмлари фош этилди

Қўл протези ичига яширилган заргарлик буюмлари фош этилди
Тошкент халқаро аэропортида божхоначилар заргарлик буюмларини яширинча олиб киришнинг ғайриоддий усулини фош қилишди.
Хориждан учиб келган йўловчилар орасидаги имконияти чекланган шахслардан бирининг “яшил” йўлак орқали ҳаракатланаётиб, безовталаниши божхоначиларнинг диққатини тортди.

Шундан сўнг ушбу шахс божхона постидаги боди-сканер қурилмаси орқали кўздан кечирилганида, ўнг қўлига ўрнатилган протез орасига 75 гр. оғирликдаги қиймати 23.6 млн. сўмлик заргарлик буюмлари яширилганлиги фош қилинди.

Айни шу рейсда учиб келган яна бир йўловчи эса 58 гр. оғирликдаги заргарлик буюмларини чўнтакларига яширганча, яшил йўлакдан ўтмоқчи бўлган вақтида тўхтатиб қолинди. Мазкур тилла тақинчоқларнинг умумий қиймати эса салкам 15.8 млн. сўмни ташкил қилди.

Ҳозирда юқоридаги ҳолатлар юзасидан божхона органлари томонидан суриштирув ҳаракатлари давом эттирилмоқда.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Қўл протези ичига яширилган заргарлик буюмлари фош этилди