Пойтахт бозорлари ва савдо марказларида карантин талаблари кучайтирилди, деб хабар беради Тошкент шаҳар ҳокимлиги матбуот хизмати.
Ушбу вазифа 15 март куни шаҳар ҳокими Жаҳонгир Ортиқхўжаев томонидан Тошкент шаҳрига коронавирус инфекциясининг кириб келиши ва тарқалишининг олдини олиш бўйича Тошкент шаҳар штабининг махсус йиғилиши пайтида белгиланди.
Хусусан, пойтахтнинг барча бозорлари ва савдо марказларининг кириш қисмида ушбу объектлар маъмурияти Давлат санитария-эпидемиология назорати инспекцияси, Ўзбекистон Миллий гвардияси ва Ички ишлар вазирлиги билан биргаликда аҳолининг тиббий ниқобда бўлишини назорат қилади.
Ҳудудга кирадиганларнинг ҳарорати доимо инфрақизил термометрлар билан ўлчанади ва уларнинг қўллари антисептиклар билан дезинфекция қилинади.
Бундан ташқари, масъул идоралар ходимлари билан биргаликда бозорлар ва савдо мажмуаларида дезинфекция ишлари амалга оширилиши йўлга қўйилади, сотувчилар тиббий ниқоблар ва қўлқопларда савдони амалга оширишлари ҳам назоратга олинди.
Эслатиб ўтамиз 14 март куни Ўзбекистонда коронавирус инфекциясини юқтириб олиш билан боғлиқ 111 та янги ҳолат аниқлангани, бу 2020 йил 24 декабрдан (112 та ҳолат) бери кузатилган энг ёмон антирекорд экани ҳақида хабар берилган эди.
Ушбу 111 та ҳолатнинг 93 таси Тошкент шаҳрида аниқланган. Умуман олганда, Тошкентда сўнгги бир ҳафта ичида касалланиш ҳолатлари сони кескин ошган. Шу муносабат билан шаҳарда карантин талабларига риоя қилиниши устидан назорат кучайтирилиши маълум қилинди.
Тошкентда коронавирусга чалиниш ҳолатлари асосан ўқувчилар, талабалар ва ташкилот ходимлари орасида кўпайгани айтилди. Жумладан, Тошкентдаги 77 та мактабда ўқувчилар орасида коронавирус инфекцияси аниқланган. Тошкентдаги 117-сонли боғча эса икки нафар тарбиячи ва болаларда коронавирус аниқлангани боис вақтинча ёпилди.
Шу билан бирга, Тошкентда йил бошидан бери коронавирусга чалинганларнинг салкам 40 фоизи уй бекалари экани маълум бўлди. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Қайси кундалик одатлар иммунитет пасайишига олиб келишини биласизми?
АҚШнинг Ғазодаги сиёсатидан норози Давлат департаменти расмийси истеъфога чиқди
Германияда мактаб ўқувчилари оммавий равишда ислом динини қабул қилмоқда
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Тошкентда 02 кодли авторақамлар тахминан қачон пайдо бўлиши айтилди
Лукашенко Ғарбга таҳдид билан чиқди
