Фото: Freepik
Сиз хаёлингизга ҳам келтирмаган ва одатий туйилган одатлар терининг ёмонлашиши ва эрта ажин тушишига олиб келиши мумкин.
Зарарли таомлардан тийилиш
Кўп шакар, фастфуд истеъмол қилиш юзда ҳам акс этмай қолмайди. Шакарнинг парчаланиш жараёнида организмдаги эластин ва коллагенга зарар етади. Шуни инобатга олган ҳолда рационга ёғли кислоталарга бой бўлган маҳсулотлар — писта, лосос, зайтун ёғи, шунингдек, мева ва сабзавотларни киритиш тавсия қилинади. Таркибида рух моддаси, селен, C витамин ва бета-каротини бўлган маҳсулотлар коллаген ишлаб чиқарилишини жадаллаштиради ва организм турли шикастланишлардан ҳимояланади.
Спиртли ичимлик ичмаслик
Организмдан суюқликни чиқариб юборгани ҳисобига спиртли ичимлик қанча кўп ичилса, киши ўзини шунча ёмон ҳис қилади. Ҳуснбузар тошиши ва ажинлар кўпайишига ҳам олиб келади.
Кўз атрофидаги терини парвариш қилиш
Ҳамиша ёш ва тетик кўринишни истаганларга энг нозик ҳисобланган кўз атрофидаги терини парвариш қилиш, крем суртишни канда қилмаслик тавсия қилинади.
Спорт билан шуғулланиш
Турли мушак гуруҳлари учун тўғри бажарилган жисмоний машқлар тери аҳволига ҳам таъсир қилмай қолмайди. Аммо бу борада ҳам меъёрни билиш керак.
Макияжда хатога йўл қўймаслик
Макияждаги базанинг нотўғри танланиши ҳам кўз ва лаб атрофидаги ажинларни кўзга ташланишига сабаб бўлади. Қолаверса, юзни мунтазам равишда ифлосланишлардан тозалашни ҳам эсда тутиш керак.
Чекишни ташлаш
Никотин терининг устки қатламидаги қон-томирларни қуритиб юбориши ҳисобига қон айланиши ёмонлашади. Озиқа моддалари етишмаган терининг аҳволи ёмонроқ кўрина бошлайди.
Асабийлашмаслик
Стресс нафақат терига, балки бутун организм ва руҳиятга ҳам салбий таъсир қилади. Шуни инобатга олган ҳолда қийин вазиятларда ўзингизни тинчлантиришга ҳаракат қилинг, зарурият туғилганда шифокорга мурожаат қилинг.
Тиниқиб ухлаш
Тери кечаси тикланишини ҳисобга олган ҳолда тунда 8 соатдан кам ухламаслик керак. Гап шундаки, 4-5 соат ухлаганда тери тикланишга улгурмайди. Шунингдек, ухлаганда қорин билан ухлаш зарарли экани сабаб ён бош билан ётиш тавсия қилинади.
Қуёшдан ҳимояланиш
Ультрабинафша нурлари тери ҳужайраларига зарар етказгани сабаб сояда юришга ҳаракат қилиш ва мунтазам равишда қуёшдан ҳимоя қилувчи кремдан фойдаланиш керак. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Зоҳида Умарова нима сабабдан ўғли ва келини билан бирга яшамаслигини айтди
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
Рамзан Қодировнинг 19 ёшли қизи медаль билан тақдирланди
Германиянинг Knauf компанияси Россиядан бутунлай чиқиб кетишини тасдиқлади
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Damas учун онлайн контрактация очилади
Футзал. Осиё Кубоги. Тожикистон Японияни гуруҳда қолдирди
