11:35 / 29.07.2021
2 389

Чилонзордаги кафеда жанжал кўтариб, ички ишлар ходимига қўл кўтарган шахслар ҳибсга олинди


Кадр: Видеодан скриншот
Тошкент шаҳар Чилонзор туманидаги «Минг чинор» кафесида жанжал кўтарган шахслар қўлга олинди. Бу ҳақда «Тезкор хабарлар» информацион дастурда хабар берилди.

Қайд этилишича, 2021 йил 5 июль куни соат 17:35 да Чилонзор тумани ИИО ФМБ навбатчилик қисмига шу ҳудуддаги «Минг чинор» кафесида жанжал бўлаётгани ва ИИО ходимларига қаршилик кўрсатилаётгани ҳақида хабар келиб тушади.

Шу заҳоти воқеа жойига тезкор-қидирув гуруҳи сафарбар этилади. Суриштирувда жамоат тартибини бузиб, жанжал кўтарган шахслар қурилишда ишлаётган ишчилар бўлиб чиқди. Яқин жойда бўлган профилактика нозири воқеа жойига бир зумда етиб келади ва вазиятни тинч йўл билан ҳал қилишга ҳаракат қилади.

Безориларнинг бари қўлга олиниб, туман ички ишлар бўлимига олиб келинади.
«Кафеда шеригим бир бола билан уришаётган экан, ажратаман деб борсам, кимдир кўзимга мушт туширди. Кейин мен ҳам улардан бирининг белига тепдим. Ота-онам тўғри айтган экан, шу болаларга қўшилмагин, деб. Мингдан минг пушаймонман», — дейди гумонланувчилардан бири.

Мазкур ҳолат юзасидан Жиноят кодексининг 277-моддаси 3-қисми «г» банди (жамоат тартибини сақлаш вазифасини бажариб турган ҳокимият вакилига қаршилик кўрсатиб содир этилган безорилик) билан жиноий иши қўзғатилиб, гумонланувчиларга нисбатан қамоққа олиш эҳтиёт чораси қўлланилган.

Ушбу модда билан айбланган шахсга 5 йилгача озодликдан маҳрум қилиш жазоси қўлланилиши мумкин.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Чилонзордаги кафеда жанжал кўтариб, ички ишлар ходимига қўл кўтарган шахслар ҳибсга олинди