ОАВни қўшимча қиймат солиғидан озод қилиш бўйича президент қарори тайёрланган ва ушбу қарор айни кунларда имзоланиши кутилмоқда.
Бу ҳақда Ўзбекистон Журналистлари ижодий уюшмаси раиси Олимжон Ўсаров 23 сентябрь куни ўтказилган давра суҳбатида маълум қилди, дея хабар берди Kun.uz нашри.
Уюшма раҳбари журналистнинг шу мазмундаги саволига жавобан шунингдек, ўз шахсий қарашларини ҳам билдириб ўтди.
«Бу жойда қизиқ бир ҳолат бор. Оммавий ахборот воситаларини қўшимча қиймат солиғидан озод қилиш бўйича имтиёз бериш бошқа давлатлар тажрибасида кузатилмаяпти.
Бугун ОАВга уни ҚҚСдан озод қилиш имконини берсак, эртага унинг олдига бошқа соҳалар ҳам кириб келиши мумкин. Кейин уларнинг кўпайиши ОАВ учун берилган имтиёзнинг ёппасига бекор қилинишига ҳам сабаб бўлади.
Шахсий фикрим шундайки, бу масалада бошқачароқ ёндашув мақсадга мувофиқ. Яъни ОАВни ялпи ҚҚСдан озод этиш эмас, балки уларга бошқача кўринишдаги имтиёзни бериш керак. Чунки қўшимча қиймат солиғи имтиёзи қачондир бекор бўлиши мумкин. Шунинг учун биз қонунчиликда муайян норма топишимиз керакки, у ОАВни қўллаб-қувватласин», – деди Олимжон Ўсаров.
Уюшма раисининг қўшимча қилишича, 2007 йилда оммавий ахборот воситаларини моддий қўллаб-қувватлайдиган қонун лойиҳаси ишлаб чиқилган, аммо у ҳанузгача имзоланмаган.
«Шу қонун қабул қилинганда эди, ҚҚС билан боғлиқ қийинчилик бўлмасди. Ўйлашимча, бу жараён жуда чуқур ўрганилиши керак», – Олимжон Ўсаров. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Зеленскийга украиналиклар ҳақида кутилмаган янгилик айтилди
Эрон зарбаси катта зарар етказмади, лекин Исроил барибир ютқазди...
Зоҳида Умарова нима сабабдан ўғли ва келини билан бирга яшамаслигини айтди
Германиянинг Knauf компанияси Россиядан бутунлай чиқиб кетишини тасдиқлади
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Академик Қодир Ғуломов Қўшработда бўлди
Футзал. Осиё Кубоги. Тожикистон Японияни гуруҳда қолдирди
Damas учун онлайн контрактация очилади