Ноябрь ойида кўплаб ажойиб янгиликлар бўлади. Севимли “Моана 2”, шунингдек, узоқ кутилган “Гладиатор 2” ва Синтия Эриво ва Ариана Гранде иштирокидаги “Ёвуз: Ғарб жодугари ҳақида эртак” фильми катта экранларга чиқади.
“Гладиатор 2”
Мамлакат: АҚШ, Буюк Британия
Премьера: 13 ноябрь
24 йил ўтгач, режиссёр Ридли Скотт ниҳоят Қадимги Римнинг классик сагасини давом эттиради. Максимус вафотидан кейин энди Луций гладиаторлар жангларида қатнашиши керак, чунки унинг уйи ва оиласи тахтдаги янги узурпаторлар томонидан асир олинган. Жангчи бор кучини тўплаб, бутун империянинг келажаги учун жон-жаҳди билан курашиши керак. Фильмда Пол Мескал ва Педро Паскал бош ролларни ижро этади.
“Миссия: Қизил”
Мамлакат: АҚШ
Премьера: 6 ноябрь
Янги йилга ҳали бир ой бор, аммо “Қизил” лақабли Сантани аллақачон ўғирлаб кетишган. Рождествони қутқариш учун Шимолий қутб хавфсизлик хизмати бошлиғи ва бош овчиси (Дуэйн Жонсон ва Крис Эванс) бирлашади ва хавфли сафарга отланади. Уларнинг даврасига мафтункор ва хавфли Люси Лю ҳам қўшилади.
“Иримчи”
Мамлакат: АҚШ, Канада
Премьера: 14-ноябр
Хю Грантнинг навбатдаги ноодатий қиёфаси: бу сафар у бир қарашда мутлақо беозор кўринган мистер Рид ролини ўйнайди. У билан бирга черковга боргач, ёш қизлар амакиси уларнинг эътиқодини том маънода синаб кўрмоқчи эканлигини тушунишади.
“Ёвуз: Ғарб жодугари ҳақида эртак”
Мамлакат: АҚШ
Премьера: 18 ноябрь
Синтия Эриво ва Ариана Гранде иштирокидаги кўпчилик орзиқиб кутган фильм-мюзикл ниҳоят машҳур Бродвей постановкасини янги усулда намойиш этади. Икки ёш жодугар Эллаба ва Галинда биргаликда Шиз университетида сеҳргарлик илмини ўрганади. Ҳаммага ҳам, уларнинг ўзига ҳам маълумки, улар ҳар хил, лекин бу уларнинг бир-бирларини қўллаб-қувватлашига ва яхшиликка интилишига халақит бермайди.
“Моана 2”
Мамлакат: АҚШ, Канада
Премьера: 27 ноябрь
Моананинг саргузаштлари яна давом этади. Аждодларнинг чақириғига жавобан у Мауи билан бирга узоқ Океания сувларига боради. Умуман олганда, бизни яна саргузаштлар, кўплаб ёрқин ранглар, ҳиссиётлар ва қўшиқлар кутмоқда. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Эрон инсониятга таҳдид юзага келса, ядровий доктринани ўзгартириши мумкин
Мевали дарахтларни қандай кесиш керак?
Ўзбошимчалик билан эгалланган ер участкаларини расмийлаштириш учун тўлов миқдори маълум қилинди
Хитой Россия ва КХДР ўртасидаги «муносабатлар»ни «уларнинг шахсий иши» деб атади
Россиянинг 53 гектарли ороли йўқ бўлиб кетди
Трамп ниманинг эвазига ғолиб бўлиши мумкин? Ҳаррис-чи?
ChatGPT туфайли дунёда энергияга бўлган талаб ошгани маълум қилинди
Абдуқодир Ҳусанов қизил карточка олган ўйинда “Ланс” “ПСЖ”га мағлуб бўлди
