Қирғизистон пойтахти Бишкек шаҳрида 24 сентябрь куни мамлакатнинг энг йирик ва нуфузли тадбирларидан бири – “Мисс Қирғизистон” миллий гўзаллик танловининг финал босқичи бўлиб ўтди. Унда юртининг энг чиройли, истеъдодли ва ақл-заковатли қизлари иштирок этди. Бу ҳақда 24.kg нашри маълум қилди.
Танлов якунига кўра, “Мисс Қирғизистон – 2025” унвонига Аяна Расул қизи сазовор бўлди. Унинг қўлига тож билан бирга 200 минг сом (тахминан 28 миллион сўм) қийматга эга сертификат ҳам топширилди.
Аяна ўз ғалабасини изоҳлар экан, қуйидагича фикр билдирди:
Ҳакамлар ҳайъати асосий ғолибадан ташқари яна уч нафар иштирокчига Гран-при унвонини ҳам берди:
Анора Эсонгалдиева — “Miss Kyrgyzstan Universe”, у Қирғизистон шарафини “Miss Universe” саҳнасида ҳимоя қилади.
Мадина Эрмекова — “Miss Kyrgyzstan Grand International”, у “Miss Grand International” финалида иштирок этади.
Сюзанна Уметова — “Miss Kyrgyzstan International”, у эса “Miss International” танловига йўлланма олди.
Маълумотларга кўра, ғолиба Аяна Расул қизи машҳур хонанда Айгерим Расул қизининг синглиси ва Қирғизистон халқ артисти Расул Маматқуловнинг қизи ҳисобланади.
Эслатиб ўтамиз, бундан аввал Россияда турмуш қурган аёллар ўртасида 25-умумроссия гўзаллик танлови — “Миссис Россия – 2025” бўлиб ўтган ва унда Магнитогорск шаҳрида яшовчи 37 ёшли Екатерина Семенова ғолиб деб топилган эди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
