Ҳинд киносаноатининг машҳур актёри ва продюсери Амирхон 2025 йилда яна экранларга қайтмоқда. Бу ҳақда Ҳиндистон оммавий ахборот воситалари хабар тарқатди.
Маълум бўлишича, у режиссёр сифатида “Sitare Zameen Par” фильмини суратга олмоқда. Бу янги лойиҳа унинг олдинги машҳур фильми “Taare Zameen Par”нинг мазмуни билан боғлиқ бўлиши кутилмоқда. Янги картинада болалар психологияси ва ижтимоий муносабатлар яна марказий мавзу сифатида кўтарилади.
Амирхон сўнгги йилларда фаолиятда танаффус олган эди. У ўзининг шахсий ҳаёти ва хайрия ишларига кўпроқ эътибор қаратган. Айниқса, сўнгги ойларда у Ҳиндистонда турли ҳил хайрия лойиҳаларига раҳбарлик қилгани ва таълим соҳасини қўллаб-қувватлагани хабар қилинди.
Фильм 2025 йилнинг охирида ёки 2026 йил бошларида намойиш этилиши режалаштирилган. Амирхон фильмда асосий ролни ҳам ўзи ижро этиши кутилмоқда.
Кинокритиклар ва мухлислар ушбу лойиҳани катта интизорлик билан кутмоқда. Унинг ҳар бир фильми одатда юқори ижтимоий ва маънавий мазмунга эга бўлиб, кўплаб мукофотларга лойиқ кўрилган.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
