​“Ҳамроҳ” фильмининг тақдимот санаси маълум бўлди

Режиссёр Акром Шоҳназаров ўз қаламига мансуб сценарий асосида “Ҳамроҳ” деб номланган фильм суратга олгани ҳақида хабар берган эдик. Ниҳоят янги картина тайёр бўлди, унинг премьера санаси ҳам аниқ бўлди, деб ёзади Даракчи нашри. “Ҳамроҳ”нинг ижодий ҳамкорлар ва ОАВ ходимлари учун ёпиқ премьераси 5 март куни Алишер Навоий номли киносаройида бўлиб ўтади.

Фильмда бош ролларни Карим Мирҳодиев, Умид Искандаров, Адиз Ражабов, Лола Элтоева, Юлдуз Ражабова сингари таниқли актёр ва актрисалар ижро этган.

“Ҳамроҳ” фильми ҳақида ўзига хос далиллар:

• Сценарий 2015 йил 3 ой давомида ёзилган.
  
• 15 га яқин объектда суратга олинди.
  
• Бухорода 2 кун, Жиззахда 2 ҳафта, Тошкентда 25 кун суратга олинди.
  
• Бош қаҳрамон 1 та.
  
• 6 та персонаж.
  
• 6 та мавзу ёритилган.
  
• 2 та мавсум – баҳор, куз кўрсатилган.
  
• 1 ярим ой монтаж, 15 кун дубляж қилинди.
  
• Жами ижодий гуруҳ аъзолари сони: 52 та.
  

“Замин” янгиликларини “Twitter”да кузатиб боринг