Дунёнинг энг бой ва нуфузли оилаларидан бири бўлган Рокфеллерлар сулоласи ҳақида эшитмаган одам кам. Бу оиланинг вакиллари ўзларининг улкан бойлиги ҳамда сиёсий таъсири билан тарихга кирган. Бугунги кунда ушбу сулоланинг энг кўзга кўринган ва гўзал вакилларидан бири Ариана Рокфеллер ҳисобланади. У 1982 йил 26 май куни Кембриж шаҳрида дунёга келган.
Ариана Рокфеллер машҳур нефть магнати Жон Рокфеллернинг эвараси ҳамда XX асрнинг энг нуфузли банкирларидан бири, "Chase Bank" раҳбари Девид Рокфеллернинг набираси саналади. Унинг оиласи 10 миллиард доллардан ортиқ бойликка эгалик қилиши тахмин қилинади. Шунга қарамай, Ариана ўзини фақатгина меросхўр сифатида эмас, балки мустақил шахс сифатида ҳам намоён этишга ҳаракат қилади.
Кўпчиликни унинг қандай ҳаёт кечириши ва бойликка муносабати қизиқтиради. Ариана ўзининг ижтимоий фаоллиги, мода оламига бўлган қизиқиши ҳамда хайрия ишлари билан ҳам танилган. У ҳашаматли ҳаёт кечирса-да, аждодларидан қолган масъулиятни ҳам чуқур ҳис қилади. Унинг ҳаёти бойлик ва шахсий амбициялар ўртасидаги мувозанатни сақлашга уринаётган замонавий ёш авлод вакили учун ёрқин мисолдир.
“Zamin”ни Telegram'да ўқинг!
