Шоҳрух рэпернинг ўн йиллик танаффусдан кейинги илк концертидан фотолавҳалар

Шоҳрух рэпер 24—25 март кунлари «Истиқлол» санъат саройида ўзининг 10 йиллик катта танаффусдан кейинги илк концерт дастурини тақдим этди. Дарё нашри эса концертдан олинган фотолавҳаларни эълон қилди.

Дастурнинг биринчи кунида 45 дан ортиқ қўшиқ куйланди. Бу қўшиқларнинг қарийб ҳар бирига мухлислар жўр бўлди, рэпер қайсидир қўшиқни бутунлигича, бошқа бирининг эса фақат нақоротини мухлислар билан куйлади.

Аксарият қўшиқларнинг ижроси вақтида залдаги барча мухлислар ўринларидан тик туриб, рэперни олқишлади. Концертдаги қўшиқлар, аввал маълум қилганидек, жонли ижрода куйланди — фақат мусиқа фонограмма бўлди, холос.
Шоҳрух рэпернинг ўн йиллик танаффусдан кейинги илк концертидан фотолавҳалар