​Муниса Ризаева: “Биз қадримизга етмайдиган инсонларга кўпроқ меҳр берамиз”

Хонанда Муниса Ризаева ижтимоий тармоқлардаги саҳифаларида ёзиб қолдирган сўзлари эътиборимизни тортди, деб ёзади Даракчи сайти.

“Биз кўпинча кўнгилсизликларда атрофимиздаги яқин инсонларни айблаймиз. Лекин бир нарсани сира ҳам унутмаслигимиз даркор, тушкун кайфиятимизга атрофимиздагиларни мутлоқ алоқаси йўқ. Ягона айбдор бу ўзимиз, чунки биз қадримизга етмайдиган инсонларга кўпроқ меҳр берамиз, қадримизга етадиган инсонларга эса эътибор ҳам бермаймиз. Суйганимиз меҳрсизу, суймаганимиз меҳрли, бироқ буни англаб етмаймиз. Эътиборсизлар учун ҳар нарсага тайёрмизу, бироқ эътиборлилар олдида эътиборсиздекмиз. Оқибатда эса қадрлаганимиз олдида шунчалар қадрсизланамизки ва бу тушкун кайфиятда бошқа бировларни айблаймиз. Шу ҳам адолатданми? Ахир, барчасига фақат ўзимиз айбдормизку. Шунчаки бизни яхши кўрганларни уларданда кўпроқ яхши кўрайлик, бизни қадрлаганларни қадрлайлик, бизни эслаганларни эслайлик. Шунда барчаси биз кутганимиздек бўлади...”,—деб ёзди Муниса Instagram`даги саҳифасида. “Замин” янгиликларини “Инстаграм”да кузатиб боринг