Гарри Поттер муаллифи “Шараф кавалерлари” ордени билан мукофотланди

Гарри Поттер ҳақидаги романлар муаллифи Жоан Роулинг аллақачон тирик афсонага айланиб бўлган. Шу кунларда унинг адабиёт учун қилган хизматлари Букингем саройида Буюк Британиянинг “Шараф кавалерлари” ордени билан мукофотланди.

Хабарда айтилишича, адиба ушбу мукофотни шаҳзода Уильям қўлидан қабул қилиб олган.

Мазкур мукофотга Роулингдан ташқари Стивен Хокинг, Пол Маккартни, актриса Мэгги Смит каби машҳурлар ҳам сазовор бўлганлар.

“Бу мен учун катта шараф ва ушбу мукофот билан ғурурланаман. Ҳурматли инсонлар қаторини, айниқса, аёл ёзувчи сифатида тўлдириб туриш ҳақиқатан ҳам кўп нарсани англатади” дейди Роулинг.

Эслатиб ўтамиз, мазкур орден 1917 йилдан буён санъат, илм-фан, сиёсат, дин ва адабиёт йўналишларида топшириб келинади. «Замин»ни Telegram’да ўқинг!