АҚШ киносанъатлари академияси АҚШ вақти билан 4 январь кечки пайт (Тошкент вақти билан 5 январь куни эрта тонг) 2018 йилнинг «Оскар» мукофоти совриндорлари номини эълон қилади. Юбилей сондаги 90-тақдимот Лос-Анжелесдаги Dolby Theater’да бўлиб ўтади.
Тақдимот соат 20:00да (Тошкент вақти билан 5 март соат 06:00да) бошланади. Уни олиб бориш 2017 йилги каби комик Жимми Киммелга ишониб топширилди. Ўтган йилги тақдимот катта можаро билан эсда қолганди: тақдимотда «Энг яхши фильм» учун «Оскар»ни топшириш вақтида актёр Уоррен Битти ва актриса Фэй Данауэйга ғолиб фильм «Ой нури» ўрнига бошқа фильм – «Ла-Ла Ленд» номи ёзилган конверт бериб юборилган.
«Мен ўшандан кейин оддий почта конвертларини ҳам очишга қўрқиб қолдим», деб ҳазиллашган Киммел жорий тақдимот арафасида.
Киммелга маросимни олиб боришда ўз вақтида «Оскар»ни қўлга киритган актрисалар Сандра Буллок, Жейн Фонда, Николь Кидман, Хелен Миррен ва Ҳолливуднинг бошқа юлдузлари ёрдам беришади.
«Энг яхши фильм» номига 9та фильм даъвогарлик қилмоқда: «Сув шакли» (The Shape of Water), «Мени ўз исминг билан ата» (Call Me by Your Name), «Қоронғи вақтлар» (Darkest Hour), «Дюнкерк» (Dunkirk), «Нари кет» (Get Out), «Бёрд хоним» (Lady Bird), «Кўринмас ришта» (Phantom Thread), «Махфий ҳужжат» (The Post), «Эббинг чегарасидаги учта билборд» (Three Billboards Outside Ebbing, Missouri).
«Энг яхши актёр» мукофотига Гари Олдман, Тимоти Шаламе, Дензел Вашингтон ва бу йўналишда энг кўп «Оскар»ни қўлга киритган Дэниэл Дэй-Льюис даъвогарлик қилмоқда.
«Энг яхши актриса» йўналишидаги «Оскар»га Салли Ҳокинс, Фрэнсис Макдорманд, Мэрил Стрип, Сирша Ронан ва Марго Робби номзодлар ҳисобланади.
«Энг яхши режиссёр» номига режиссёрлар Гильермо дель Торо («Сув шакли»), Кристофер Нолан («Дюнкерк»), Жордан Пил («Нари кет»), Грета Гервиг («Бёрд хоним») ва Пол Томас Андерсон («Кўринмас ришта») даъвогарлик қилмоқдалар.
АҚШ киносанъатлари академияси Metro-Goldwyn-Mayer кинокомпанияси асосчиси Луис Майер томонидан 1927 йилда таъсис этилган. Академиянинг мукофотлари топширилиши биринчи маросими 1929 йилда Лос-Анжелесда Hollywood Roosevelt меҳмонхонасида ўтган ва бор-йўғи 15 дақиқа давом этган. Кейинроқ «Оскар» каби танилган тақдимот жаҳон киноматографидаги энг нуфузли мукофотга айланган.
Forbes журналининг баҳолашича, жорий тақдимот 44 млн долларга, бронзадан тайёрланган ва 24 каратли олтин билан қопланган «Оскар» ҳайкалчасининг ҳар бири ташкилотчиларга 900 доллардан тушади.
АВС телекомпаниясининг маълум қилишича, тақдимот 225 дан кўпроқ давлатга трансляция қилинади. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Шольц ва Путин ўртасидаги суҳбат Киевга сигнал бўлди
Айрим бошқарув сервис компаниялари шартномаларида асоссиз шартлар белгилангани аниқланди
Жо Байден: “Баъзан хотиним мени космосга жўнатиш билан таҳдид қилади”
Apple донгдор икки айфонини расман эскирган деб эълон қилди
Омега-3 қандай қилиб озишга ёрдам беради?
Хатолар ва мағлубиятлар... улар кечириладими?
Ким Чен Ин ҳарбийларни жанговар ҳолатда туришга чақирди
Россиялик депутат: «Олий маълумотлиларнинг курерлик қилиши — ватанпарварликка зид»
