17:37 / 01.11.2019
2 516

15 нафар ёш ўзбек киноижодкорлари Болливудда малака оширади

15 нафар ёш ўзбек киноижодкорлари Болливудда малака оширади
«Ўзбеккино» миллий агентлиги бош директори Фирдавс Aбдухолиқовнинг Ҳиндистон элчиси Сантош Жа билан мулоқотида эришилган келишуви орқали Ҳиндистоннинг 2019-2020 йилларга мўлжалланган техник ва иқтисодий ҳамкорлик дастури доирасида 15 нафар ёш киноижодкорларимиз Ҳиндистонда кино соҳасида малака оширадиган бўлди.

– Ушбу дастур ўзбекистонлик номзодларни барча ўқитиш харажатларини қоплайди, – деди Сантош Жа учрашув чоғида, – Бундан ташқари, индивидуал дастурларни ташкил қилиш, 2-3 ойлик кинематография курсларини ўташга имкон беради.

Фирдавс Aбдухолиқов Бухоро ва Хивада амалга оширилаётган иккита ҳинд кинолойиҳаси ва Aгентликнинг яқин келажакда режалаштирилаётган Ҳиндистон билан боғлиқ лойиҳалари ҳақида гапирди. Жумладан, режиссёр Ж. Қосимов суратга олаётган «Ибрат» фильмининг айрим эпизодлари Ҳиндистонда суратга олиниши режалаштирилган.

Учрашувда Ўзбекистон Республикаси Президенти ташаббуси билан қайта тикланаётган Тошкент кинофестивали ҳақида ҳам сўз борди. 1968-1992 йиллар давомида, ҳар икки йилда бир маротаба ўтказиб келинган Тошкент кинофестивалида ҳинд киносининг Раж Капур, Шиям Бенегал, Шабана Азми сингари сўнмас юлдузлари ҳам иштирок этишган.

Учрашув давомида томонлар 2020 йилда Ҳиндистонда «Ўзбекистон киноси кунлари» ҳамда юртимизда «Ҳинд киноси кунлари»ни ўтказиш зарурлигини таъкидлади.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Маданият » 15 нафар ёш ўзбек киноижодкорлари Болливудда малака оширади