11:10 / 12 марта 2020
1 385

Хивада туркий халқлар йиғилади

Хивада туркий халқлар йиғилади
Фото: Маданият вазирлиги
ТУРКСОЙ халқаро ташкилоти ҳамда Ўзбекистон Республикаси Маданият вазирлиги ҳамкорлигида 30-31 март кунлари Хива шаҳрида «Хива 2020 Турк дунёси маданияти пойтахти» йили муносабати билан бир қатор тадбирлар ўтказилади. Бу ҳақда Маданият вазирлиги матбуот хизмати маълум қилди.

«Хива 2020 йилда туркий дунё маданияти пойтахти» йилининг тантанали очилиш маросими Хива шаҳридаги «Ичан-қалъа» музей қўриқхонаси ва Нуриллабой саройи мажмуасида ўтказилиши режалаштирилган.

Тадбирда иштирок этиш учун ЮНЕСКО, АЙСЕСКО, МДҲ, ШҲТ каби халқаро ташкилотлари вакиллари, олимлар, илмий-тадқиқот марказлари раҳбарларининг иштирок этиши кутилмоқда.

Шунингдек, Ўзбекистон ва хорижий санъаткорлар иштирокида концерт дастури, намойиш этилади. Шу билан бирга, меҳмонлар фольклор, халқ ижодиёти намуналари ва миллий ҳунармадчилигимиз ҳамда миллий таомлардан баҳраманд бўлишади.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)