Миллий жамоа футболчилари қўйга ўхшатилгани танқид қилинди (видео)

«Максимум» жамоасининг концертидан парча: халқ номидан дея эълон қилинган қўшиқ пайтида саҳнадаги экранда Ўзбекистон Миллий терма жамоаси футболчилари гуёки қўйга тасвирланиб, олдида собиқ бош мураббий Купер қўйилган.
Журналист Шаҳбоз Беғамов мазкур ҳолатни танқид қилиб, ҳуқуқий чора кўрилиши лозимлигини таъкидлади.

pic.twitter.com/PeacucZAJt

— Shukhrat (@bankir2102) April 21, 2020

«Кулгу яхши, кулдириш қизиқчиларнинг касбий вазифаси. Лекин ҳазил ва кулгу билан камситишни ўртасидаги фарқ фаросат ва фаросатсизлик даражасидек катта.
ЎФАдан мазкур ҳолатга керакли муносабатни кутаман. Ташкилот ҳуқуқшуноси ишлаши керак.

Миллий жамоамиз яхшими ёки ёмонми, барибир ўзбек футболининг юзи. Миллий жамоани очиқчасига камситишга кеча чиққан «қизиқчи»ларнинг қанчалик ҳаққи бор?

Бутун омма олдида миллий жамоа имижини ер билан яксон қилишга тенг бу.
ЎФА жим қараб туришга ҳаққи йўқ. Миллий терма жамоа остида қанчадан-қанча футболчиларимизнинг меҳнати турибди.

Умуман футбол жамоатчилиги учун қаттиқ сигнал. Бунақа савиясиз чиқишларга, мухлисларнинг эҳтиросли изоҳларидан тўғридан-тўғри саҳнада фойдаланадиган «қизиқчилар» билан ҳуқуқий гаплашиш керак. Этика, саҳна одоби ва маданияти қани?»-, дея ёзади Беғамов. «Замин»ни Telegram’да ўқинг!