Куни кеча Ўзбекистон Президенти Шавкат Мирзиёев «Ўзбекфильм» студияси фаолияти билан танишган эди. «Ўзбеккино» Миллий агентлиги раҳбари Фирдавс Абдуҳолиқов Давлат раҳбарининг ташрифи ҳақида фикр билдириб ўтди.
Ташриф ҳақида
Биз бу ташрифни узоқ вақт кутдик ва Президент бизга улкан хушхабарлар билан келди. Яхши биламиз, аввалги «Киночилар уйи» Тошкент Сити қурилиши туфайли бузилиб кетган эди. Энди «Ўзбеккино» ҳудудида янги «Киночилар уйи» қуриладиган бўлди.
Бу ҳали ҳаммаси эмас. Шунингдек ижодкорларга ҳам эътибор кучайтирилади. Президентимиз буни алоҳида таъкидлаб ўтди. «Ўзбеккино» ҳудудида иккита кўпқаватли уй қурилади ва киночиларга топширилади. Шунингдек кино академияси ҳам ташкил этиш режалаштирилган. Ҳудудларда ҳам киночилар уйлари ташкил этилади.
Ўзбекистонда иқтидорли ижодкорлар жуда кўп. Мана шундай ёшлар Россия давлат кинематография институтида ўқишга юборилади. Марказий Осиёда кинонинг илк қадамлари Ўзбекистондан бошланган. 1910 йилда Худойберган Девонов камера кўтариб, биринчи тасвирларни олган эди. Биз муносиб издош бўлишимиз керак.
Сериаллар ҳақида
Давлат раҳбари томонидан миллий сериалларимизни кўпайтиришга кўрсатма берилди. Бу бўйича ишлар олиб бориляпти, айни вақтда 12 та сериал яратиш ҳаракатидамиз. Бунинг учун хусусий телеканаллар билан ҳамкорлик қилинади. Тўртта телеканал учтадан сериал яратиши бўйича келишувга эришганмиз. Молиявий таъминот ҳам келишилган. Телеканалнинг ўзи битта серия учун 15 миллион сўм сарфлайди, шунингдек «Ўзбеккино» ҳам 15 миллион ажратади.
Яъни, ҳаражатнинг ярми давлат томонидан қоплаб берилади.Бу ишларнинг барчаси икки ой ичида — ноябр-декабр ойларида амалга оширилиши режалаштирилган. Кечи билан 2021 йилнинг бошидан сериаллар намойиши бошланади. Биз шифокорлар ва ўқитувчилар ҳақида сериал олишни режалаштирганмиз.
Сценарийлар савияси ҳақида
Албатта ҳар қандай кино ёки сериалнинг сифати энг аввало сценарийга боғлиқ. Яхши сценарий бўлмаса, яхши маҳсулот ҳам бўлмайди.
Икки ойда савияли сценарий ёзиш мумкинми? Гап шундаки, биз ишни аллақачон, август ойидаёқ бошлаб юборганмиз. Ўтган вақт давомида сериаллар саралаб олинди ва мутахассислар томонидан кучайтирилди. Қолаверса, ҳар қандай киносаноатнинг «олтин папкаси» бўлади ва унда захира сценарийлари сақланади.
Албатта биз қиладиган иш мухлис ва мутахассислар томонидан ижобий баҳоланиши ҳам, танқид қилиниши ҳам мумкин. Бу бизнинг биринчи ишимиз, илк қадамларимиз. Шундай экан, ҳамма билан ҳамкорлик қилишга тайёрмиз. Масалан, шифокорлар ҳақида олинадиган сериалда албатта соғлиқни сақлаш вазирлиги мутахассислари маслаҳатчи сифатида иштирок этиши керак. Ўқитувчилар ҳақида олинадиганида эса халқ таълими вазирлигидан вакил бўлса, хурсанд бўлардик.
Хориждан сценарий олиш бўйича
Бутун дунё тажрибасида оммалашган сценарийлар асосида қайтадан сериал олиш амалиёти мавжуд. Биз ҳам шундай йўл тутиш ҳақида ўйлаб қўйганмиз.
Хорижда севиб томоша қилинадиган сериалларнинг ўзбекча варианти ҳам чиқиб қолиши мумкин. Аммо яхши биласиз, бунинг учун юридик жиҳатдан жуда катта иш олиб бориш керак. Ҳозир фақат шуни айтишим мумкин, бу бўйича иш бошланган. Аммо тафсилотларни очиқ айта олмайман. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Тошкентда 02 кодли авторақамлар тахминан қачон пайдо бўлиши айтилди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Эрон президенти жиддий баёнот берди: «Исроилдан ҳеч нарса қолмайди»
Ортиқча вазнли инсонлар учун соғлом овқатланишнинг бешта муҳим қоидаси
Велосипедда сайр қилиш учун 3 сабаб: ёшартиради, оздиради ва умрни узайтиради
Сариқми ёки яшил: қайси турдаги банан фойдалироқ?
Қайси кундалик одатлар иммунитет пасайишига олиб келишини биласизми?
Владимир Путин «Крокус»да содир этилган теракт учун ўч олишга чақирди
