13:56 / 16.04.2021
3 354

Ўзбекистон халқ артисти Мирза Азизов 58 ёшида вафот этди

Ўзбекистон халқ артисти Мирза Азизов 58 ёшида вафот этди

Фото: «Дарё»
Ўзбекистон халқ артисти Мирза Азизов 16 апрель, жума куни 58 ёшида вафот этди. Бу ҳақда «Дарё» хабар бермоқда.
Ижтимоий тармоқларда актёр коронавирус инфекцияси асоратлари оқибатида вафот этгани айтилмоқда. Ушбу маълумот ҳозирча ваколатли органлар томонидан тасдиқлангани ва рад этилгани йўқ.

Маълумот учун, Мирза Азизов 1963 йил 22 майда Наманган вилоятининг Чуст туманида туғилган. 2016 йилдан бугунги кунга қадар Муқимий номидаги Ўзбекистон давлат мусиқали театри директори лавозимида фаолият юритиб келган. 1999 йилда Ўзбекистонда хизмат кўрсатган артист, 2013 йилда Ўзбекистон халқ артисти унвонларига сазовор бўлган.

2019 йил адабиёт ва санъат йўналиши бўйича Қирғизистон Республикасида таъсис этилган Халқаро Чингиз Айтматов номидаги «Олтин медал» мукофотига лойиқ кўрилган. 2017 йилдан бери Қирғизистон театр арбоблари уюшмасининг театр санъати бадиий академиясининг академиги этиб ҳам сайланган эди. У режиссёр сифатида «Жайдари келин», «Дилдаги доғ», «Сарвқомат дилбарим» каби ўнлаб спектаклларни саҳналаштирган.

Мирза Азизов ўзбек томошабинларига «Тубанлик», «Гумроҳлар», «На малакман, на фаришта», «Алпомишнинг қайтиши», «Шоҳнома» каби кўплаб фильм ҳамда спектакллардаги роллари орқали танилган эди.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Маданият » Ўзбекистон халқ артисти Мирза Азизов 58 ёшида вафот этди