23:31 / 18.01.2018
8 474

Ақтўбеда ҳалок бўлганларнинг 30 нафарининг шахси аниқланди

Ақтўбеда ҳалок бўлганларнинг 30 нафарининг шахси аниқланди
Бугун, 18 январь куни Қозоғистоннинг Ақтўбе вилоятида содир бўлган фожиа сабабларини ўрганиш учун Ўзбекистон президенти топшириғига кўра бош вазир Абдулла Арипов бошчилигида ташкил этилган Махсус ҳукумат комиссияси айни вақтда Қозоғистонда бўлиб турибди.

Махсус комиссия таркибидаги манба Kun.uz нашрига маълум қилишича, айни вақтда автобус ёниб кетиши оқибатида ҳалок бўлган 52 кишидан 30 нафарининг шахси аниқланган. Яқин вақтлар ичида шахсни аниқлаш ишлари якунланиб, марҳумларнинг рўйхати эълон қилиниши кутилмоқда.

Бундан аввалроқ ҳалокатдан омон қолган 5 кишидан икки нафари Ўзбекистон фуқаролари экани маълум бўлганди.

Айни вақтга келиб уларнинг шахси аниқланган. Улар 1988 йилда туғилган Аҳрор Исаков ва 1980 йилда туғилган Исроилжон Мирзааҳмедов бўлиб, уларнинг иккиси ҳам Наманган вилоятида истиқомат қилишади.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Ақтўбеда ҳалок бўлганларнинг 30 нафарининг шахси аниқланди