963
Шуҳрат Мақсудов: "Тайёр футболчилар билан натижа қилишни истардим. Ёшларни биз ўйнатмасак йўқолиб кетади"
Суперлиганинг 7-туридан ўрин олган "Навбаҳор" - "Бунёдкор" (2:1) учрашувидан сўнг меҳмонлар устози Шуҳрат Мақсудов матбуот анжуманида қатнашди.
"Авваламбор ассалому алейкум. Наманганда ўйин шундай кескин ўтади. Мухлисларнинг қўллаб-қувватлаши жамоанинг асосий ютуқларидан бири. Бугун ҳам 27 мингга яқин ишқибоз ташриф буюрди. Ўйин дурангга мос эди. Футболчиларимга раҳмат айтдим. Тўғри ёш футболчиларимиз хатога йўл қўйди. Лекин шу орқали улар ўсишга эришади. Эртанги кунга яхши тажриба орттиришмоқда.
- Жамоа ёмон ўйин кўрсатмади. Мағлубиятга лойиқ эмасди. Лекин таркибда етакчи етишмаётгандек кўринмоқда. Давралар оралиғида ўйинни қўлга оладиган футболчи олиш мақсади қўйилганми?
- Тўғриси ҳозирча бундай мақсадимиз йўқ. Биз мавсум бошида мақсад қўйганмиз. Бош ҳомийимиз бизга тўғри йўл кўрсатганлар. Академиямиз Марказий Осиёдаги энг яхшиси. Уларни биз ўйнатмасак йўқолиб кетади-ку. Ўзбекистонга ҳам зарар. Ҳамма мураббий ҳам бунга қўл урмайди. Мен ҳам тайёр футболчи олиб натижа кўрсатишни истардим. Ҳомийимиз билдирган ишончни оқламоқдамиз. Биз тўғри йўналишдамиз. Футболда ғалаба ва мағлубият бирга юради. Буни тўғри тушунишимиз керак. Болаларни келажаги бор. Фақат сабр, вақт ва ишонч керак.
- "Навбаҳор" ўринбосарларида тўпурар бўлган Хусайн Эргашбоев нима учундир "Бунёдкор"да кўринмаяпти...
- У жамоада. Доим 18талик рўйхатга кирмоқда. Сўнгги ўйинларда жароҳат олганди. Бу ерда нима учун ўйнаб кета олмаганини билмайман.
- Биринчи саволим ҳакамлик ҳақида. Уларнинг ҳаракатидан қониқдингизми? Иккинчи саволим "Навбаҳор"нинг жорий йилдаги салоҳиятини қандай баҳолайсиз?
- Дастлабки саволингизга жавоб беришни истамасдим. Чунки менинг зиммамдаги иш эмас. Албатта бундай шароит, футболчилар, мухлислар билан клуб олдига юқори мақсад қўйилади. Мақсадсиз ҳаётни қизиғи йўқ. "Навбаҳор" шундай таркиб билан чемпионлик учун курашмаса уят бўлар.
- Ўтган ўйиндан сўнг мухлислар истеъфо ҳақида ёзишди. Фикрлар билдиришди...
- Ўйин ҳақида савол бўлса марҳамат. Мен ўқимайман ҳам. Қизиғи йўқ очиғи.
- "Олимпик" билан ўйиндаги йирик ҳисобдаги мағлубиятдан сўнг футболчиларни қандай руҳлантирдингиз?
- Бундай ўйинлар бўлиб туради. Ҳақиқий футбол ичидаги инсон, виждони бор инсон тўғри тушунади. "Манчестер Сити" ҳам ютқазди. Бразилия пайтида 1:7га мағлуб бўлган. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ғазо аҳолиси ҲАМАСнинг тинчликка эришиш йўлидаги қарорини нишонлаш учун кўчаларга чиқди
Россияда америкалик аскар ўғриликда айбланиб қўлга олинди
Освенцимда минглаб яҳудийлар «Тириклар марши» акциясини ўтказди
Сауль Альварес ва Хайме Мунгиа иштирокидаги жанг тўлиқ давом этди
Россиялик хакер учун 10 миллион доллар ваъда қилинди
Самарқандда мактаб ўқувчисини уриб юборган ҳайдовчининг ўзи ҳам ўқувчи экан
Тошкент метрополитенида 1 кунда ўртача қанча йўловчи ташилаётгани маълум қилинди
Польша ташқи ишлар вазири: “Хитой Путинни урушни тўхтатишга мажбурлаши мумкин”