Улуғбек Бақоев: "Биринчи қадамни ташладик, энди иккинчисига навбат"

ОФК Кубоги 2-тури доирасида ЦСКАга қарши ўйиндан олдин "Сўғдиёна" бош мураббийи Улуғбек Бақоев ҳамда ҳужумчи Шоҳруз Норхонов иштирок этди.

Улуғбек Бақоев: - Ҳайрли кун. ЦСКАнинг "Олтин Аср"га қарши ўйинини кузатдик. Жамоа тартибли ўйнади. Гол уриб кетиши ҳам мумкин эди. Бироқ бу амалга ошмади. Якунда урилган гол эса жамоада характер, жанговарлик руҳи борлигини англатади. Шу сабабли баҳсга қаттиқ тайёрландик. Биринчи қадамни ташладик, энди иккинчисига навбат. Эртага мухлислар қаршисида ўйнаймиз. Бу ҳам жамоага қийинчилик туғдиради. Мухлис сифатида эртанги баҳс қизиқарли бўлишини ҳам кутяпман.

Шохруз Норхонов: - Ўтган ўйин қийин бўлди. ЦСКА эса ўз мухлислари олдида яхши ўйин кўрсатади. "Олтин Аср"га қарши ўйинда жамоа ўзининг метин характери эвазига сўнгги дақиқаларда гол уриб, дуранг ўйнади. Кучли, яхши шаклланган жамоа. Баҳсга 100 фоиз тайёрман деб айта оламан.

- Дастлабки учрашувдан кейин "Сўғдиёна"ни турнирнинг фаворитларидан бири деб ҳисобладик. Жамоанинг эртанги ўйин учун психологик тайёргарлиги қандай? Бу ҳолат жамоага босим бермайдими?

Улуғбек Бақоев: - Руҳан ҳам 100 фоиз тайёрмиз. Балки айрим футболчиларнинг жисмоний тайёргарлигида муаммолар бўлиши ёки асосий таркибни танлашда қийналишим мумкин. Ҳозир мураббийлар штаби билан ўйинни кучайтириш борасида ўйлаяпмиз. Захирадан тушганлар ҳам ўйинни тезлаштиришини истаймиз. Аммо шу билан биргаликда кейинги ўйинни, ротация орқали айрим футболчиларнинг дам олишини ҳам ўйлашимиз керак.

- Жамоа эртанги ўйинда ғалабага эришса, пешқадам сифатида плей-офф босқичига йўлланма олиши аниқ бўлади. Агар мағлуб бўлса, барчаси учинчи турга қолади. Бу нарса жамоага қанчалик босим беради?

Шоҳруз Норхонов: - Босим йўқ. ЦСКА ўз майдонида, ўз мухлислари қаршисида ўйнайди. Биз эса барибир яхши натижа ҳақида ўйлаяпмиз. Нима бўлган тақдирда ҳам 3-турда ғалаба учун ўйнаймиз. Агарда вазият ўзгарадиган бўлса, учинчи баҳсимизда натижа учун ҳам ўйнаймиз. Аммо ҳозир олдимизда ЦСКАга қарши баҳс кутиб турибди. Айни дамда бу ўйин энг муҳими.

- Бу ерда ҳар уч кунда ўйин ўйналади. Мураббийлар жамоани ўйинга тайёрлашда, кейинги баҳс учун машғулотларда қийналяптими?

Улуғбек Бақоев: - Бу ерда футболчиларни тиклаб олиш катта муаммо. Футболчилар билан машғулот олиб бориш эмас, уларни кейинги ўйингача ҳам руҳан, ҳам жисмонан чарчоғини чиқариш асосий ўринда. Уларни шунчаки чарчоғини чиқариб, кейинги ўйинга тайёрлаш керак. Бу футболнинг бўлаги. Унга тўғри қараш ва мураббийлар штаби билан ишлаш керак. “Замин” янгиликларини “Одноклассники”да кузатиб боринг