ЖЧ-2022. Англия Уэльсни йирик ҳисобда мағлуб этди ва гуруҳда биринчи ўринни эгаллади

Жаҳон чемпионати 3-тури доирасидаги Уэльс - Англия учрашуви ниҳоясига етди. Унда номинал меҳмонлар 3:0 ҳисобида зафар қучди.

Биринчи бўлимда томонлар дарвозаларга йўл топа олмади, аммо иккинчи тайм бошида "уч шерлар" Рэшфорднинг жаримадан йўллаган зарбаси эвазига ҳисобни очди. Орадан кўп ўтмай, Фил Фоден орадаги фарқни оширди. Маркуснинг ўзи 68-дақиқада дублни расмийлаштириб, инглизларга йирик ҳисобдаги ғалабани тақдим этди.

Шу тариқа, Саутгейт шогирдлари очколари сонини 7 тага етказиб олди ва пешқадам сифатида плей-оффга йўл олди. Сўнгги поғонадаги Уэльс 1 очко жамғарган.

Уэльс – Англия 0:3
Голлар: Рэшфорд 50, Фоден 52, Рэшфорд 68.
Уэльс – Уорд, Уильямс, Родон, Мифем, Дэвис, Робертс, Ампаду, Рэмзи, Аллен, Бэйл, Мур, Джеймс.
Англия – Пикфорд, Уокер, Магуайр, Стоунз, Шоу, Хендерсон, Райс, Беллингем, Фоден, Кейн, Рэшфорд.
Огоҳлантириш: Джеймс (29). «Замин»ни Telegram’да ўқинг!