Шин Таэ Йонг: "Ўзбекистонга қарши ўйинда ҳам бугунги тактик услубимизда ўйнаймиз"

U-20 Осиё Кубоги 1-тури доирасида Сурияга қарши ўйиндан кейинги матбуот анжуманида Индонезия термаси бош мураббийи Шин Таэ Йонг иштирок этди. 

- Ўйин ҳақида фикрларингиз?

- Ғалаба билан барчани табриклаймиз, Индонезия терма жамоаси анча яхши ҳаракат қилди. Суриялик футболчилар ҳам яхши рақобат кўрсатишди. Уларга ўйин учун катта раҳмат.

- Кейинги учрашув Ўзбекистон терма жамоасига қарши бўлади. Агар ушбу баҳсда Индонезия термаси ғолиб бўлса плей-офф босқичига чиқади. Бу борада фикрларингиз?

- Менда Ўзбекистон терма жамоасига қарши ҳеч қандай яширин ғоя йўқ, биз кейинги учрашувда ҳам бугунги тактик услубимизда ўйнаймиз ва Ўзбекистон терма жамоасига катта рақобат кўрсата оламиз деб ўйлайман.

- Ўтган ўйинни ютқазганингиздан кейин, руҳият тушиб кетган эди. Ўйинчиларингизнинг руҳий томонлама тикланиши қандай бўлди? Бугун улар жуда катта рақобат кўрсатишди.

- Биринчи учрашувдан сўнг йигитлар иккинчи учрашув жуда муҳимлигини билишди ва бугунги учрашувга яхши тайёргарлик кўришди. Фикримча футболчилар ҳали бор кучини ишга солишмади. Биз ҳали ўйинимизни камида 50%га кучайтира оламиз.

- Иккинчи таймда Сурия кўпроқ ҳужум қилди ва Индонезия терма жамоаси яхши қарши ҳужумлар ташкил этолмади, бунга фикрингиз?

- Бизда гол уриш имкониятлари бор эди, лекин қарши ҳужумга ўтиш ва реализация бўйича муаммолар бор. Ушбу жиҳатни  кучайтиришга ҳаракат қиламиз.

- Сиз Жанубий Корея терма жамоаси бош мураббий сифатида, 2017 йил Ўзбекистон терма жамоасига қарши учрашув ўтказгансиз, ўша учрашувда Ўзбекистон терма жамоаси қониқарли натижага эриша олмаган эди ва жаҳон чемпионати йўлланмасини қўлдан бой берганди. Кейинги учрашувда ҳам Ўзбекистон терма жамоасини гуруҳда қолдириб кетмоқчимиз?

- (кулади) Мен бу ерда фақат 2017 йили эмас, клуб мураббийи сифатида ҳам уч маротаба юртингизда бўлганман. Ўша вақтларда Кореяда ишлар эдим, ҳозир эса Индонезия терма жамоасида мураббийман. Ўзбекистон кучли рақиб. Ушбу терманинг имкониятларини юқори баҳолаймиз ва энг уларга қарши энг кучли ўйинимизни намойиш этишга ҳаракат қиламиз.

- 8 рақамдаги ўйинчингиз марказда жуда кучсиз ўйнади. Ушбу футболчи ҳақида фикр билдириб ўтсангиз.

- Сизнинг фикрингизга қўшила олмайман, у аслида техникаси кучли ўйинчи, биз уни ҳали яхши ўйин намойиш этишига ишонамиз ва илтимос сизлардан битта ўйинга асосланиб футболчини баҳоламасликни сўраган бўлар эдим.