U-20 Осиё Кубоги 3-тури доирасида Сурияга қарши баҳсдан кейин Ироқ термаси бош мураббийи Эмад Муҳаммад ўз фикрларини билдирди.
- Ўйин ҳақида фикрларингизни айтиб ўтсангиз?
- (кулади) Жуда қизиқ ўйин бўлди, кўп имкониятлар яратдик, лекин улардан фойдалана олмадик. Рақиб узун паслар билан ўйнади ва бу бизга муаммо туғдирди. Гуруҳдаги барча ўйинларни қийин бўлди деб ўйлайман, лекин биз кучли 8та жамоадан бири бўлдик ва биринчи мақсадимизга эришдик. Бизнинг бир нечта ўйинчилар ушбу учрашувда иштирок этмади. Лекин улар кейинги учрашувга тайёр бўлишади. Кейинги ўйинда Яратган бизни жаҳон чемпионатига олиб чиқишига умид қиламан.
- Бугунги турнирнинг жамоангиз учун бўлган фойдаси ҳақида гапириб ўтсангиз?
- Бу катта тажриба. Биз ҳар бир учрашувда ҳар хил рақиблар билан ўйнадик ва катта тажриба орттирдик ва энг муҳуми гуруҳдан чиқдик, мақсадимиз - жаҳон чемпионатига эса бир қадам қолди.
- Футболчиларингиз жуда кўп вазиятлардан фойдалана олмади, бунга сабаб нима?
- Муаммо шундаки, мураббий ҳар доим ўйинчиларга қандай гол уришни ўргатиши керак, лекин футболчиларга майдонда мураббий ёрдам бера олмайди. Турнир олдидан бир қанча ўртоқлик учрашувларида қатнашдик ва кўплаб гол урдик, лекин турнирда бизни нима жин урди билмайман. Бу муаммони иложи борича тезроқ ҳал қилишга ҳаракат қиламиз.
- Чорак финалдаги рақиб жамоа Эрон ҳақида фикр билдириб ўтсангиз. Эрон футболи жисмоний томонлама кучли эканлиги биламиз. Ироқ терма жамоаси кейинга рақибга қарши қандай тайёргарлик кўрмоқчи?
- Плей-оффдаги барча жамоа жуда кучли. Мен Эрон клубларида ўйнаганман ва у ер футболининг кучини биламан. Уларга қарши ўйинга яхши тайёргарлик кўришга ҳарақат қиламиз. Ким кучлироқ бўлганини ўйинда кўрамиз ва ўша куни кучлироқ бўлган жамоа ярим финалга йўл олади.
“Замин” янгиликларини “Twitter”да кузатиб боринг
