23:46 / 24.04.2023

Шуҳрат Тошпўлатов: "Лима жамоага кўпроқ фойда келтираётгани туфайли асосий таркибда ўйнаяпти"

Суперлиганинг 7-турида "Олимпик" устидан қозонилган йирик ғалаба (3:0)дан сўнг "Насаф" катта мураббийи Шуҳрат Тошпўлатов матбуот анжуманида иштирок этди.

Шуҳрат Тошпўлатов: "Бугунги ишончли ғалаба билан мухлисларни табриклайман. "Олимпик" яхши таассурот қолдирди. Ёшлар комбинацион футбол намойиш этишини билардик. Тўп назорати кўпроқ рақибда бўлди, шунга қарамасдан "Насаф" футболчилари тартибли ўйин намойиш этиб, ғалабага эришишди.

- "Насаф"да ҳужумчиларнинг роли кўринмаяпти, фақат ҳимоячилар бош ролда... Аманов нега асосий таркиб футболчисига айлана олмаяпти?

- Чемпионат эндигина бошланди. Шошмаган маъқул. Ҳаммаси ўз жойига тушади. Азиз Аманов ҳали голлари билан мухлисларни хурсанд қилади деб умид қиламан.

- "Насаф" яхши ўйин кўрсатаётгани учун Азиз Аманов кеч (85-дақиқада) майдонга туширилдими?

- Ҳали барча футболчиларга имконият берилади. Айни дамда Лима яхшироқ ҳаракат қилиб, жамоага кўпроқ фойда келтирмоқда. Шу сабабли у асосий таркибда.

- Бугун "Насаф"нинг барча голлари ҳимоячилар томонидан урилди...

- Биз стандарт вазиятлар устида кўп ишлаганмиз ва бугун машғулотлар ўз самарасини берди.

- "Бунёдкор" билан ўйинда Жавоҳир Сиддиқов майдонга тушмади.

- Футболчимизда кичик жароҳат бор эди, шу сабабли таваккал қилмадик.