Ўзбекистон U-20 терма жамоасининг гуруҳдан чиқиш имконияти қандай?

Аргентина майдонларида ўтаётган футбол бўйича ёшлар ўртасидаги Жаҳон чемпионатининг 3-тур баҳслари Ўзбекистон вақти билан 26 майдан 27 майга ўтар кечаси старт олади.

А гуруҳидан ўрин олган Ўзбекистон ёшлари 3-тур ўйинини Гватемалага қарши ўтказади. Ўйин 27 майга ўтар кечаси 02:00 да бошланади.

Равшан Ҳайдаров шогирдлари сўнгги тур олдидан 1 очко билан 3-ўринни эгаллаб турибди ва кейинги босқичга чиқиш имкониятини сақлаб қолмоқда.

Ўзбекистон U-20 терма жамоасининг ҳолати ҳақида:

• Ўзбекистон Гватемалани 2+ гол фарқи билан ютса, Аргентина Янги Зеландияни ҳар қандай ҳисобда мағлуб этса — Ўзбекистон 2-ўрин билан плей-оффга чиқади.
• Ўзбекистон Гватемалани битта тўп фарқи билан ютса, Аргентина Янги Зеландияни 2+ тўп фарқи билан ютса — Ўзбекистон 2-ўрин билан плей-оффга йўл олади.
• Ўзбекистон Гватемалани битта тўп фарқи билан ютса, Аргентина ҳам Янги Зеландияни 1 та тўп фарқи билан енгса — Ўзбекистон 3-ўринда қолади.
• Ўзбекистон Гватемалани ҳар қандай ҳисобда ютса, Янги Зеландия Аргентинага ютқазмаса — Ўзбекистон 3-ўринда қолади.
• Ўзбекистон Гватемала билан дуранг ўйнаса — нариги ўйинда қандай натижа қайд этилишидан қатъи назар Ўзбекистон 3-ўринда қолади.
• Ўзбекистон Гватемалага ютқазиб қўйса — нариги ўйинда қандай натижа қайд этилишидан қатъи назар Ўзбекистон 4-ўринга тушиб кетади.

Қайд этиш керак, олтита гуруҳда энг яхши кўрсаткичга эга тўртта 3-ўрин эгаси ҳам плей-оффга йўл олади. Агар Ўзбекистон 4 очко тўплаб, 3-ўринда қолиб кетса 3-ўрин билан кейинги босқичга чиқиш имкониятини сақлаб қолади.

---

U-20 ЖЧ—2023

26/27 май

B гуруҳи

• Эквадор — Фижи 23:00
• Словакия — АҚШ 23:00

А гуруҳи

• Ўзбекистон — Гватемала 02:00
• Аргентина — Янги Зеландия 02:00

“Замин” янгиликларини “Одноклассники”да кузатиб боринг