ПСЖ форварди Килиан Мбаппе жамоасининг ЕЧЛдаги омадсиз мавсумлари ҳақида гапирди.
Парижликлар кетма-кет икки мавсум ЕЧЛни 1/8 финалда тарк этди.
“Замин” янгиликларини “Одноклассники”да кузатиб боринг"ПСЖга ЕЧЛ ғолиблиги учун нималар етишмаётганини билмайман, умуман олганда бу савол менга йўналтирилиши ҳам нотўғри. Биз қўлимиздан келганимизча ҳаракат қилдик, нуқта. Бу саволни жамоани қураётган инсонларга беришингиз керак.
Мен ўз ишимни боримча қилишга ҳаракат қиляпман. Ўтган мавсумда терма ва клубда 40тага яқин гол урдим. Миллий чемпионатнинг энг яхши футболчиси ҳам бўлдим.
ЕЧЛда "Бавария"га қарши ўйинда жароҳат олдим ва жавоб ўйинида жамоага ёрдам бера олмадим. Гуруҳ босқичидаги ўйинларда эса жамоанинг асосий футболчиси бўлдим.
Мен сеҳргар эмасман, баъзида футболда ўтиб бўлмас тўсиқлар бўлади. Мана нима сабабдан саволни менга эмас, бошқаларга беришингиз керак", - деди Мбаппе.
