"Локомотив" Суперлигага қайтди

Ҳозиргина Про-лиганинг 19-тури доирасидаги "Хоразм" - "Қўқон-1912" учрашуви якунланди. Унда ғолиб аниқланмади, 0:0. Шу орқали "Қўқон-1912" чемпионлик учун имкониятларини йўқотди.

Айни дамда турнир жадвали пешқадами бўлиб турган "Локомотив" билан орадаги фарқ 6 очкони ташкил қилади. Ушбу мавсумда пойтахт клуби ўзаро ўйинларда "Қўқон-1912"ни иккала ўйинда ҳам мағлуб қилди. Шу орқали "темирйўлчилар" мавсум тугашига 3 тур қолганида Суперлига йўлланмасини қўлга киритди.

Энди чемпионлик учун "Динамо" ҳамда "Локомотив" кураш олиб боради. Агарда навбатдаги турда "Қўқон-1912" ўз майдонида "Динамо"ни мағлуб қилиб, "Локомотив" "Машъал" майдонида бир очкога эга чиқадиган бўлса, "Локомотив" чемпионликни расмийлаштиради.