Абдуқодир Ҳусанов “Ланс”нинг асосий жамоасидан ёшлар таркибига ўтказилгани ҳақида хабар берган эдик. Клуб раҳбарияти томонидан легионеримизга алоҳида вазифа юклатилган.
“Ланс В” жамоаси Франция чемпионатининг 3-миллий дивизиони “G” гуруҳида ғолиб чиқиб, бир поғона юқоридаги лигага ўтишга даъвогарлик қилмоқда.
Ҳозирча, лансликлар мусобақа жадвалида иккинчи ўринда бормоқда. Келаси ҳафта охирида жамоа ўзидан уч очко илгарилаб кетган “Шантийи” билан куч синашиши лозим.
Абдуқодир Ҳусанов мавсум охиридаги бешта учрашувда ҳимоя мустаҳкамлигини ушлаб туриши ва жамоа ўз дарвозасини дахлсиз сақлаб қолишига ёрдам бериш вазифаси юклатилган.
20 ёшли футболчимиз бир неча кун ёшлар жамоасида шуғулланганидан кейин расмий учрашувда ҳам майдонга тушди.
Лансликлар ўз майдонида “Сент-Аман” жамоасини қабул қилиб, рақиб дарвозасига жавобсиз учта тўп киритди.
Учрашувни кузатиб борган lensois.com сайти эксперти Элоиза Де Местер легионеримиз ўйинига қуйидагича баҳо берди.
“Ланс” футболчилари “Сент-Аман” ўйинчиларини Янник Пандор қўриқлаётган дарвозага кўп ҳам яқинлаштирмади. Абдуқодир Ҳусанов ҳимоянинг ўнг қанотидан жой олди ва учрашувни жуда хотиржам ўтказди.
Ўзбек легионери ўйнаган томондан ҳужумга ўтишга интилган рақиб футболчилари деворга урилгандек бўлди. Абдуқодир ҳимояни жуда мустаҳкам ушлади, бир неча бор олдинга ўтиб, ҳужумга ҳам қўшилди.
Ёш ўзбек футболчиси ҳисобига яна 90 дақиқалик ўйинни қўшиб қўйсак бўлади, - деб ёзди lensois.com сайти эксперти Элоиза Де Местер.
“Ланс В”ни 20 апрель куни ўта муҳим учрашув кутиб турибди. Лансликлар шу куни мусобақа жадвалида пешқадамлик қилаётган “Шантийи” жамоаси меҳмони бўлади. Бу баҳсда “Ланс В” орадаги уч очколик фарқни йўққа чиқаришга ҳаракат қилади. Жамоа мураббийлари айнан мана шу учрашувда Ҳусановга суянади. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Приморск ўлкаси Ўзбекистон билан туризм соҳасида ҳамкорликни янада кенгайтирмоқчи
АҚШда амалдорлар Трамп туфайли оммавий равишда хусусий секторга кетиб қолмоқда
Республикада бўлиши номақбул деб топилган шахсларнинг рўйхати шакллантирилади
Сенсация: Неймар “Барса”нинг ашаддий рақиби “Реал”га ўтадиган бўляпти
Қирғизистон аҳолиси сони эълон қилинди
U-17 Жаҳон чемпионатида Осиёдан 9 та жамоа! Бу қандай бўлади?
Украина аскари машғулотлардан бир ҳафта ўтиб қандай қилиб асирга тушганини айтиб берди
Байден ва Макрон Ливанда сулҳ эълон қилишга тайёрланмоқда
