Хосе Венансио Лопес: "Бизга барқарорлик етишмаяпти. Ушбу муаммога имкон қадар тезроқ ечим топишимиз керак"

Ўзбекистон футзал терма жамоаси бош мураббийи Хосе Венансио Лопес Гватемала устидан қозонилган ғалабадан сўнг (7:4) матбуот анжуманида иштирок этди.

- Ўйин ҳақида
- Биринчи бўлимда жуда кўп хатоларга йўл қўйдик, айниқса тўпни йўқотдик. Биринчи бўлимда ўтказиб юборган голларимизнинг барчаси ўз хатоларимиздан сўнг урилди. Ҳужумни қуришда ҳам бироз қийналдик.

- Мусобақа давомида ўтказилган қайси учрашувдан кўнглингиз тўлмади?
- Барча учрашувлар мени қониқтирди, аммо Қирғизистонга қарши кечган баҳснинг биринчи бўлимида ўйинимиз қовушмади. Бугун ҳам биринчи бўлимда хатоларга йўл қўйдик.

- Турнир давомида терма жамоамизга барқарорлик етишмади. Ўйин 40 дақиқа давом этса, биз тўлиқ ўйин бир хил темпда ўйнай олмадик. Бунга сабаб нима ва муаммони қандай ҳал этмоқчисиз?
- Фикрингизга юз фоиз қўшиламан. Барқарор ўйин намойиш эта олмаяпмиз. Агар биз муаммонинг ечими топганимизда, аллақачон буни тўғирлаган бўлардик. Ягона тўғри қарор - ишлашда давом этиш. Ўйинчиларнинг чарчоғи ҳам ўз сўзини айтмоқда ва биз шу сабабли кўп ротацияга қўл урмоқдамиз. Стабиллик етишмаётгани туфайли ўйинимизда пасайишлар кузатилмоқда. Биз бунинг ечимини имкон қадар тезроқ топишга ҳаракат қиламиз. “Замин” янгиликларини “Twitter”да кузатиб боринг