Президент Шавкат Мирзиёев Париждаги ёзги Олимпия ўйинларида Ўзбекистон спорт делегациясига навбатдаги 2 та олтин медални келтирган ва уларнинг сони бўйича рекорд кўрсаткичга эришилишига ҳисса қўшган спортчиларимиз - боксчилар Асадхўжа Мўйдинхўжаев ва Лазизбек Муллажонов билан телефон орқали суҳбатлашди.
“Бокс бўйича Ўзбекистон дунёда тенгсиз эканини яна бир карра исботлаганингиз учун миннатдорлик билдириб, табрикламоқчиман. Халқимизнинг чинакам қаҳрамонлари бўлдингиз. Янги Ўзбекистоннинг янги ёшларига жуда катта ўрнак, намуна бўлаяпсизлар. Юртимиз ўғлонлари нималарга қодир эканликларини бутун дунё ҳамжамияти кўриб турди ва мен сизлардан ғурурланаман”, - деди давлат раҳбари.
Йигитларнинг кечаги ғалабалари халқимизга жуда катта мамнуният бағишлагани таъкидланди. Президент юқори натижаларга эришаётган олимпиячиларимизга, бутун терма жамоамизга ўзининг қизғин саломини етказишни сўради.
Фото: Президент матбуот хизмати
Чемпионлар ҳам Президент ва халқимиз ишончини оқлаганидан мамнунлигини билдириб, шундай ғалабаларга эришиш имконини берган эътибор ва кенг шароитлар учун давлатимиз раҳбарига ташаккур изҳор қилди. Бундан буён ҳам Ватан байроғини баланд кўтаришда давом этишга ваъда берди.
Асадхўжа Мўйдинхўжаев, Лазизбек Муллажонов, Шавкат Мирзиёев, Олимпиада чемпиони “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Медведев: Операция энди бошқа нарсалар қатори «Киевни эгаллаш»ни ҳам ўз ичига олиши керак
Медведев: “Россия қўшинлари махсус операция доирасида Киев ва унинг ортидаги ҳудудларга ҳам етиб бориши керак”
Тез озишга ёрдам берадиган 5 та витамин
Ортиқча вазндан халос бўлишга тўсқинлик қиладиган мевалар
Зеленский Украинадаги ҳарбий ҳолатни яна 90 кунга узайтирди
Исроил Мадримов Ўзбекистонга қайтиб келди
Ҳасанбой Дўстматовга ютқазган Сакен Бибоссинов қозоғистонликларга мурожаат қилди
Париж—2024. Светлана Осипова Олимпиада финалига йўл олди
