Фото: Getty Images
Париж Олимпиадасининг олтин медали, шубҳасиз, замонавий ўйинлар тарихидаги энг қимматли медалдир, биринчи навбатда, олтиннинг рекорд даражадаги юқори баҳоси туфайли, деб ёзди Forbes.
Умрининг катта қисмини шундай мақсад йўлида ўтказган спортчи учун олтин медалнинг қадрини ўлчаб бўлмайди. Аммо олтин, кумуш ва бронза медаллари учун ишлатиладиган материаллар қийматини ўлчаш мумкин. 2024 йилги Олимпиада олтин медали нархи 24 июл ҳолатига кўра, олтин, кумуш ва темирнинг спот баҳоси ва медал учун фойдаланилган ушбу материаллар миқдоридан келиб чиққан ҳолда тахминан 950 АҚШ долларини ташкил этади.
Бу, эҳтимол, замонавий ўйинлар тарихидаги ҳар қандай олтин медалнинг энг юқори қиймати бўлиши мумкин, биринчи навбатда, олтиннинг рекорд даражадаги юқори баҳоси билан боғлиқ. Бу 2012 йилги Лондон Олимпиадасида ўрнатилган 708 долларлик рекордни ортда қолдирди. Аммо шуни таъкидлаш керакки, аввалги барча олтин медалларнинг қиймати олтиннинг рекорд баҳоси асосида кескин ошган.
Барча медалларнинг диаметри 85 миллиметр ва қалинлиги 9,2 миллиметрга тенг. Олимпиада олтин медалининг оғирлиги 529 грамм, медалнинг 95,4 фоиздан ортиғи аслида кумушдан (505 грамм) иборат. Медал учун қоплама вазифасини бажарадиган соф олтин 6 граммга, темир эса 18 граммга тенг. Агар олтин медал соф олтиндан ясалганда, унинг қиймати 41 минг доллардан ошиб кетган бўлар эди. Шу туфайли, соф олтин медаллар охирги марта 1912 йилда Лондон олимпиадасида берилган.
Кумуш медалнинг вазни 525 грамм, шундан 507 грамм кумуш ва 18 грамм темирдан иборат. Унинг қиймати кумуш ва темирнинг 24 июлдаги спот нархига асосланиб, тахминан 486 долларни ташкил қилади.
Бронза медалининг оғирлиги 455 грамм бўлиб, 415,15 грамм мис, 21,85 грамм рух ва 18 грамм темирдан иборат. Унинг нархи тахминан 13 долларни ташкил қилади.
Одатда Олимпия медалларини тайёрлаш учун темир ишлатилмайди, аммо бу оддий темир эмас. У Париж ва Франциянинг умумэътироф этилган рамзи бўлган Эйфел минорасидан олинган.
Металл ёдгорликнинг ўтган асрда лифтни модернизация қилиш учун олиб ташланган қисмларидан ясалган. Металл Франциянинг шарқий қисмидаги Помпей шаҳри темирчилик устахоналарида «тозаланган». Олимпиада расмий веб-сайтига кўра, қуйма темирдан ортиқча углерод чиқарилгандан сўнг, қолган темир «деярли тоза ва жуда мустаҳкам».
Олимпия медалининг ички қийматини аниқлашда дизайн одатда нархга киритилмайди. Бироқ, ушбу дизайн медаллар нархини янада ошириши мумкин, чунки улар машҳур Chaumet заргарлик уйи томонидан ишлаб чиқилган. Ушбу компания тарихда британия ва француз қироллари учун заргарлик буюмларини ишлаб чиқиши билан ном қозонган. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Халқаро жиноят суди Исроил бош вазири Нетаньяхуни ҳибсга олишга ордер берди
Ўмон султонлиги элчиси: «Урушларни ҳарбий куч билан ҳал қилиб бўлмайди»
22 ноябрь куни Cobalt автомобилига шартнома очилиши эълон қилинди
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
Шавкат Мирзиёев Россия бош прокурори билан учрашув ўтказди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Зеленский Путин борасида баёнот берди: “Тинчликни истаганлар юзига тупурмоқда”
