10 сентябрь куни Ўзбекистон ва Қирғизистон терма жамоалари Бишкекда ЖЧ-2026 учинчи саралаш баҳси доирасида тўқнаш келишади. "Долон Омурзаков" стадионида ўтказиладиган учрашув 19:00да старт олади. Сайтимиз ижодкорлари эса, Қирғизистон терма жамоаси футболчилари билан суҳбат қуришди ва бўлажак учрашув ҳақидаги фикрлари билан қизиқишди.
"Яхши тайёргарлик кўрдик ва тайёргарлик кўришда давом этмоқдамиз. Қийин гуруҳдан жой олганмиз, аммо натижага эришиш учун қийинчиликларни енгиб ўтишимиз керак. Эронга қарши биринчи учрашув қийин кечди. Кучли рақиб билан тўқнаш келдик. Биз энг яхши ўйинимизни намойиш этдик ва муносиб курашдик деб ўйлайман. Биз бундан ҳам яхшироқ ўйнай оламиз. Ҳар бир учрашув ва ҳар бир рақибга қарши ўйнашга тайёрмиз.
Биз ҳар бир ўйинга тайёрмиз. Рақиб ким бўлишидан фарқи йўқ. Майдонда энг яхши ўйинимизни кўрсатишимиз керак. Рақибимиз Эрон бўладими ёки Ўзбекистон фарқи йўқ" - дея фикр билдирди Кожо Жоэль.
"Эрондаги учрашувда барча кўрсатмаларни бажардик. Яхши тайёргарлик кўрдик ҳам, аммо Эрон об-ҳавоси ҳали ҳамон иссиқ. Бу бизга бироз ноқулайлик туғдирди. Сифатли ўйин намойиш этдик ва хавфли вазиятлар ҳам ярата олдик. Дастлабки икки учрашувдан кутилмаларимиз ижобий. Мақсадимиз кейинги босқичга йўл олиш. Қисқа вақт ичида, учинчи бош мураббий билан ишламоқдамиз. Мураббийлар алмашинуви бизга катта таъсир ўтказгани йўқ. Таркиб узоқ вақтдан бери бирга ўйнаб келмоқда ва барча футболчилар бир-бирини яхши билишади. Янги бош мураббийимиз билан бор-йўғи битта расмий ўйин ўтказдик холос. Бизга бироз вақт керак. Мураббийнинг ишини баҳолаш учун камида бир нечта учрашувда иштирок этишимиз керак. Биз кеча Бишкекка қайтиб келдик. Ўйинга қадар иккита машғулот ўтказамиз. Узоқ парвоздан сўнг тикланиб олишимиз учун вақт керак бўлди. Ўзбекистонга қарши учрашувда фақатгина ғалаба қозонишни мақсад қилганмиз" - деди Қирғизистон терма жамоаси сардори Валерий Кичин.
"Эронга қарши учрашувда узоқ парвоздан сўнг ўйинга яхши тайёргарлик кўра олмадик. Аламли мағлубиятга учрадик, сабаби гол уриш учун етарлича вазиятлар бўлди, аммо улардан фойдалана олмадик. Эрондан очко билан кетишимиз мумкин эди. Мағлубиятга учраганимизга ягона сабаб - реализация. Тўғри, терма жамоамиз бош мураббийси ўзгарди, аммо ҳозирги мураббийимиз бунга қадар ёшлар терма жамоасида ишлаган ва деярли барча футболчилар билан таниш. Маҳаллий чемпионатимизда ҳам фаолият олиб борган. Жамоада катта ўзгаришлар рўй бермади. Ўзбекистонга ҳам тайёргарликни кўришни бошладик. Жамоани таҳлил қилиб чиқяпмиз" - дейди "Пахтакор" футболчиси Кими Мерк. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Ўмон султонлиги элчиси: «Урушларни ҳарбий куч билан ҳал қилиб бўлмайди»
Шавкат Мирзиёев Россия бош прокурори билан учрашув ўтказди
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
22 ноябрь куни Cobalt автомобилига шартнома очилиши эълон қилинди
Зеленский Путин борасида баёнот берди: “Тинчликни истаганлар юзига тупурмоқда”
