Қозоғистоннинг Остона шаҳрида ўтказилаётган Жаҳон кўчманчилар ўйинларининг кўпкари мусобақаси финали можаро билан тугади.
12 сентябр куни ҳал қилувчи баҳсда Қозоғистон ва Қирғизистон кўпкаричилари беллашди. Ўйин мезбонларнинг 5:4 ҳисобидаги ғалабаси билан якунланди.
Беллашув асабий руҳда ўтиб, мезбонлар вакили рақибини қамчи билан урганидан кейин тўполон ва муштлашув туфайли тўхтатиб турилди.
Қирғизистон спортчилари тақдирлаш маросимида кумуш медалларини ечиб ташлаб, ўз давлати байроғини баланд кўтариб, саҳнадан чиқиб кетди.
Кейинчалик, Қирғизистон кўпкари федерацияси финалда қайд этилган натижага норозилик шикоятини ёзди. Улар баҳсни бошқарган қозоғистонлик ҳакам ўз ҳамюртлари фойдасига бир қанча баҳсли қарорларни қабул қилган деб ҳисобламоқда. Шунингдек, қирғизистонликларга маҳаллий ҳуқуқ-тартибот идоралари ходимлари томонидан босим бўлганини таъкидламоқда.
Жаҳон кўчманчилар ўйинларида Ўзбекистон ҳам иштирок этмоқда ва 11 олтин, 12 кумуш, 11 бронза медали билан учинчи ўринни эгаллаб турибди. Қозоғистон терма жамоаси 33 олтин, 25 кумуш, 28 бронза билан пешқадамлик қилмоқда. Мусобақалар 13 сентябр куни якунланади. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистон ва Россия ҳукуматлараро қўшма комиссиянинг навбатдаги мажлиси бўлиб ўтди
Россия ва Ўзбекистон ўртасида «Агроэкспресс» қатновлари бўйича шартнома имзоланди
Беш араб давлати Исроилга талаб қўйди
АҚШда оздирувчи дори воситалари 162 нафар инсоннинг умрига зомин бўлди
Зеленский: “Россия Курск вилоятида қарши ҳужум бошлади”
Мухолифат Шолцни Киевни «сохта тинчлик» сари ундамасликка чақирди
Андижонда қонунбузар ҳайдовчиларни жазоловчи янги “тажриба”
Телевизор пулти юқумли вируслар манбаи экани тасдиқланди
