51
Хосе Венансио Лопес: "Ропиевнинг қизил карточкаси барчасини ўзгартириб юборди. Мен шартномамни шу ерда якунлайман"
Ўзбекистон футзал бош мураббийи Хосе Венансио Лопес Жаҳон чемпионати 3-туридан ўрин олган Коста-Рика - Ўзбекистон (5:3) учрашувдан сўнг сайтимизга кичик интервью берди.
- Бугунги учрашув ҳақида фикрларингизни билдириб ўтсангиз?
- Биринчи бўлим биз учун ёмон ўтди, лекин иккинчи бўлимда юқори иштиёқ туфайли яхши ўйнадик. Қизил карточка барчасини ўзгартириб юборди. Ўйиндаги энг муҳим вазият шу эди.
- Жаҳон чемпионатида бундай ёмон иштирок этганимизнинг сабаблари нима эди? Биз қандай хатоларга йўл қўйдик.
- Биринчи ўйинда биз ҳисобни тенглаштира олдик ва ҳисобдаги ортда боришимизга қарамай барчасини тўғрилай олдик. Бугун эса 3:2 ҳисобида ютаётган пайтимизда Ропиев йўл қўйган фол барчасини ўзгартириб юборди. Биз ўша паллада ўйинни бой бердик, рақиб эса дарҳол ҳисобни тенглаштирди. Биз эса ўша заҳоти барчасини бой бердик.
- Жаҳон чемпионатидаги бундай ёмон иштирокимизнинг асосий сабабларидан бири жароҳатлар бўлди. Жароҳатлар сони кўпайиб кетганига нима сабаб бўлди?
- Жароҳатлар боғламнинг узилиши ва суяк синиши эди. Бу шунчаки омадсизлик ва бизнинг омадимиз келмади. Бу нормал ҳолат эмас, аммо биз бундай омадсизликка учрадик. Равшан бармоғини синдириб олди. Бу жароҳатларга машғулотлар сабаб бўлмади. Бундай жароҳатлар қачон рўй беришини назорат қила олмаймиз, афсуски. Мен бутун ўзбек халқидан ва мухлислардан узр сўрайман. Менинг фикримча, биз мундиалга жуда катта эътибор қаратиб юбордик.
- Ўзбекистон терма жамоаси бош мураббийи этиб тайинланганингизга роппа-роса бир йил бўлди. Терма жамоадаги келажагингиз ҳақида гапириб ўтсангиз?
- Бу нарса муҳим деб ўйламайман, аммо мен шартномамни ҳозир якунлайман.
- Ўзбекистон футзали келажаги ҳақида нималар дея оласиз? Кейинги мундиалга яхши тайёргарлик кўришимиз учун нималар қилишимиз керак?
- Ўзбекистон меҳнат қилишда ва ривожланишда давом этиши керак. Афсуски, мен энди терма жамоа билан бирга бўлмайман, аммо терма жамоага маслаҳатлар бериб туришим мумкин. Ассоциацияга имкон қадар ёрдам беришга ҳаракат қиламан. Катта эҳтимол билан бу менинг фаолиятимдаги сўнгги учрашув эди.
Абдулвосит Бектемиров суҳбатлашди
“Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Хитой қитъалараро баллистик ракетани илк бор оммавий синовдан ўтказди
Хитой мамлакатларни жунгли қонунидан воз кечишга чақирди
Ўзбекистон Туркманистон ва Туркия билан мудофаа соҳасида ҳамкорлик қилади
Трамп Эрон томонидан ўлим таҳдиди ҳақида огоҳлантирилди
Трамп: Россия Гитлер ва Наполеонни мағлуб этган, Москва мағлубиятини кутишнинг ҳожати йўқ
Трамп Зеленскийнинг АҚШга ташрифи чоғида у билан учрашишдан бош тортди
Қозоғистон Евросиёдаги энг тинчликсевар давлат деб топилди
Чехия президенти: "Уруш оқибатида Украина ҳудудларини йўқотади”
