42
Жереми Гомес: "Ўзбекистоннинг кучли ва ожиз томонларини ўрганиб чиқиб, уларга қарши тактик ишланмалар туздик"
Футзал бўйича жаҳон чемпионати "А" гуруҳи 3-туридан ўрин олган Коста-Рика — Ўзбекистон (5:3) учрашувидан сўнг коста-рикаликлар аъзоси Жереми Гомес микст-зонада интервью берди.
"Ўзбекистонга қарши қийин ўйин бўлишини билардик. Чунки рақиб жамоа бутун зални тўлдириб ўтирган мухлислари қаршисида саф тортганди. Ҳатто мухлислар армияси севимли жамоаси ҳисобда олдинда бораётганда, босимни кучайтирганига қарамай, биз буларнинг барчасига тайёр эдик. Умуман олганда, жаҳон чемпионатига ташриф буюрганимиз ва плей-офф йўлланмасини қўлга киритганимиздан беҳад мамнунмиз.
Биз ҳар бир рақибни синчиклаб ўрганамиз. Уларнинг заиф ва кучли томонларини билиш учун ўйинлар видеоларини томоша қиламиз. Шу жумладан, Ўзбекистоннинг кучли ва ожиз томонларини ўрганиб чиқиб, уларга қарши тактик ишланмалар туздик. Шу билан бирга, рақиб дарвозасига йўл топишнинг қулай усулларини билардик. Шу туфайли улар бизга жиддий зарар етказа олмади.
Кейинги босқичдаги рақибимиз эртага маълум бўлади. Биз энг яхши учинчи ўринни эгаллаган жамоа бўлиб турибмиз. Нимчорак финалда қайсидир гуруҳ ғолиби билан тўқнаш келамиз, шу боис, жиддий қарама-қаршиликка йўлиқишимиз аниқ. Бироқ кейинги босқичда ҳам ҳамма нарса бўлиши мумкин", деди Гомес.
Эслатиб ўтамиз, Коста-Рика "А" гуруҳида 3-ўринни эгаллаган ҳолда нимчорак финал йўлланмаси соҳибига айланди. Лотин Америкаси мамлакати нимчорак финалда "B" ёки "C" гуруҳи ғолибларидан бирига қарши майдонга тушади.
Оқил Абдубарноев суҳбатлашди.
“Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
22 ноябрь куни Cobalt автомобилига шартнома очилиши эълон қилинди
Хонанда Рухшона уйланмаган йигитга турмушга чиққани ҳақида сўзлаб берди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Диний қўмита Умра зиёратини ташкил қилиш учун 12 та турфирмага лицензия берди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Жиззахда Cobalt катта тезликда икки қизчани уриб юборди
