Россиянинг Новосибирск шаҳрида спорт гимнастикаси бўйича “Евгений Подгорний соврини учун” нуфузли мусобақа бўлиб ўтди.
Хотин-қизлар ўртасида спорт гимнастикасининг алоҳида турлари бўйича ўтказилган таяниб сакраш беллашувларида ҳамюртимиз Оксана Чусовитина ғолиб бўлди.
Саралаш баҳсларида энг яхши натижа қайд этган спортчимиз финал мусобақаларида ҳам ўзини кўрсатди. 49 ёшли гимнастикачимиз ҳал қилувчи баҳсларда 13,266 балл тўплаб, олтин медални қўлга киритди.
Оксана Чусовитина 2024 йилги Олимпия ўйинларига тайёргарлик жараёнида жароҳат олиб, Парижга бора олмаган эди. Новосибирскдаги турнир ҳамюртимиз саломатлигини тиклаб олганидан кейинги биринчи мусобақа бўлди.
Чусовитина бу ғалабадан кейин 2028 йили Лос-Анжелес мезбонлик қиладиган Олимпия ўйинларида иштирок этишни мақсад қилиб қўйганини маълум қилди.
Эслатиб ўтамиз, бир неча рекордлар соҳибасига айланган спортчимиз 1992 йили Барселона Олимпиадасида олтин, 2008 йили Пекин Олимпиадасида бронза медалга сазовор бўлган.
Новосибирск, Cпорт гимнастикаси, Евгений Подгорний соврини, Оксана Чусовитина, Ғолиб бўлди “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
22 ноябрь куни Cobalt автомобилига шартнома очилиши эълон қилинди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Хонанда Рухшона уйланмаган йигитга турмушга чиққани ҳақида сўзлаб берди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Диний қўмита Умра зиёратини ташкил қилиш учун 12 та турфирмага лицензия берди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Байденнинг рухсати урушнинг боришига қандай таъсир қилади?
