Ўзбекистонлик дзюдочилар жамоавий беллашувларда ҳам юқори натижа қайд этди

Тошкент мезбонлик қилган дзюдо бўйича ҳарбийлар ўртасидаги жаҳон чемпионати ўз якунига етди. Маълум қилганимиздек, мусобақанинг сўнгги кунида жамоавий дастурда ғолиб ва совриндорлар аниқлаб олинди.

МОҚ матбуот хизматининг хабар беришича, эркаклар терма жамоамиз ҳам, аёллар терма жамоамиз ҳам саралашдан муваффақиятли ўтиб, финал босқичигача етиб келишди. Якунда Францияни 3:1 ҳисобида мағлуб этган қизларимиз олтин медалларга сазовор бўлди. Йигитларимиз эса Мўғулистонга 2:3 ҳисобида имкониятни бой бериб, кумуш медалларни қўлга киритди.

Шу тариқа, илк бор юртимизда ташкил этилган мазкур йўналишдаги дунё биринчилиги поёнига етди. «Замин»ни Telegram’да ўқинг!