Франция чемпионатининг ўнинчи турида энг қизиқарли учрашувлардан бири Париж шаҳрида бўлиб ўтади. Шу куни чемпионатдаги энг кучли ҳужум чизиғига эга ПСЖ ўз майдонида ҳимояни мустаҳкам ушлаб келаётган “Ланс”ни қабул қилади.
Бу учрашув Лига 1 янги мавсумида Франциянинг энг кучли ҳимоячиларидан бирига айланган Абдуқодир Ҳусанов учун алоҳида аҳамият касб этади.
Шу боис, легионеримиз фаолиятини кузатаётган манбалар бу ўйинда кўп масалаларга ойдинлик киритилишини таъкидлаяпти. Хусусан, foot-sur7.fr портали бу ҳақда қуйидаги шарҳни мухлислар эътиборига ҳавола қилди.
- Франция чемпионати ҳар икки жамоага, хусусан Абдуқодир Ҳусановга ўта муҳим. Чунки ўзбек легионерини мамлакат чемпиони диққат билан кузатиб келяпти.
ПСЖнинг қишки трансферлар даврига мўлжалланган нишони – Абдуқодир Ҳусанов шанба куни “Парк де Пренс”да “Ланс” таркибида майдонга тушиб, Париж клуби раҳбариятига маҳоратини бевосита намойиш қилиш имконига эга бўлади.
Бир неча ҳафтадан бери чемпионатда юқори савияда ўйин кўрсатаётган ҳимоячи Париж суперклуби назарига тушганига анча бўлди. Чемпион жамоа кузатувлардан кейин қишки трансферлар даврида уни қўлга киритиш учун амалий ҳаракатларни бошлашга тайёргарлик кўрмоқда.
Маълумотларга қараганда, пойтахт клуби спорт директори Луис Кампос жамоадан кетиши ойдинлашиб қолган Словакия терма жамоаси ўйинчиси Милан Шкриньяр ўрнини Абдуқодир Ҳусанов билан тўлдирмоқчи бўляпти.
Абдуқодир Ҳусанов ҳозир зўр спорт формасида ва “Ланс” сафида кетма-кет бир неча учрашувларни жуда юқори даражада ўтказди. Ўтган мавсумда атиги 15 маротаба майдонга тушган футболчи бу гал жамоа етакчиси Кевин Дансонинг йўқлигидан фойдаланиб, ўзининг бор салоҳиятини намойиш эта олди.
Энди Париж клуби мутасаддилари шанба куни “Парк де Пренс” аренасида бўладиган муҳим баҳсда Абдуқодир Ҳусановни бевосита кўрикдан ўтказади. Ёш ҳимоячи парижликлар ҳужумчиларига имкони борича кўпроқ муаммо туғдириш учун етарли даражада маҳоратга эга. Ҳусанов бу мавсум “Ланс” учун барча турнирларда 11 та учрашув ўтказиб улгурди.
L'Equipe нашрини Абдуқодир Ҳусанов мавсумни муваффақиятли бошлаганини инобатга олиб, унинг трансфер суммаси 10 миллион евродан баландлигини қайд этди. Transfermarkt порталида эса, легионер ҳимоячи 5 миллион еврога баҳоланган, - деб ёзди foot-sur7.fr портали эксперти Леонс Сириак.
ПСЖ ва “Ланс” ўртасидаги учрашув 2 ноябрь куни Тошкент вақти билан саот 21:00 да бошланади. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Леонид Кучма: Россия билан урушмаслик учун Украина олдида икки йўл бор эди
Лукашенко украиналик генераллар таслим бўлиш учун унга қўнғироқ қилишганини айтди
Исроил ҳужумидан кейин Эрон ҳарбий бюджетини 200 фоизга оширади
Тошкентнинг уч туманида электр таъминоти вақтинча ўчирилади
Ҳанде Эрчел турк маданиятини ривожлантиришга қўшган ҳиссаси учун мукофотланди
Юк машиналари ҳайдовчилари учун янги тартиб кучга кирди
Ўт қопидаги тошлар қандай ва қаердан пайдо бўлади?
Венгрия ҳукумати Украинага ноқонуний қурол етказиб беришнинг олдини олганини маълум қилди
