Бектемир Мелиқўзиев профессионал боксда навбатдаги жангини ўтказди

АҚШнинг Лас-Вегас шаҳрида профессионал боксчимиз Бектемир Мелиқўзиев ўзининг навбатдаги жангини ўтказди. У мезбонлар вакили Девид Стивенсга қарши рингга кўтарилди.

12 раунд қилиб белгиланган жанг тўлиқ давом этди. Унда ҳамюртимиз устунлик қилди ва якунда ҳакамларнинг якдил қарорига кўра ғалаба қозонди.

Шу тариқа у фаолиятидаги 15-ғалабасини қўлга киритди. Рақибининг рекордига эса 2-мағлубият қўшилди.