Франция чемпионати ўнинчи туридан ўрин олган ПСЖ ва “Ланс” учрашуви Абдуқодир Ҳусанов учун ўта муҳимлиги олдиндан айтилган эди.
Сабаби мамлакатнинг энг қудратли клуби қишки трансферлар вақтида ўзбек легионерини қўлга киритишга уриниб кўрмоқчи бўлаётгани ва парижлик мутасаддилар жамоаларнинг ўзаро учрашувида Ҳусановнинг ҳаракатларини синчковлик билан кузатишлари ҳақида жуда кўп маълумотлар тарқатилди.
Ҳақиқатан, парижликларнинг кичик ҳисобдаги ғалабаси билан якунланган учрашувда Ҳусанов ҳаммани ўзига қаратди. У ПСЖнинг Усмон Дембеле, Брэдли Баркола, Лукас Бералдо, Ашраф Ҳакими сингари юлдузларини тўхтатиб қолди. Бироқ бу ишни шиддатли ва қўпол ўйнаш орқали уддалади.
60-дақиқада майдондан ҳайдалиб кетган Абдуқодир Ҳусанов ПСЖ мутасаддилари ҳафсаласини пир қилдими?
Бу саволга Франция футболини ёритиб келаётган foot-sur7.fr портали анатилики Леонс Сириак ойдинлик киритди.
- ПСЖ ва “Ланс” ўртасидаги учрашувда ўзбекистонлик ёш ҳимоячи ўзини диққат билан кузатиб бораётган Франция чемпионларига бор маҳоратини кўрсатиб қўйиш имкониятига эга эди.
Дарҳақиқат, Абдуқодир Ҳусанов бир неча ҳафта давомида Париж клуби раҳбариятини қизиқтириб келаётгани маълум. Амалдаги чемпиони бу трансферни қишда амалга ошириш учун амалий ҳаракатларни тезлаштириши кутиляпти.
ПСЖ спорт директори Луиш Кампуш жамоадан кетиши кутилаётган словакиялик легионер Милан Шкриньяр ўрнини айнан Абдуқодир Ҳусанов билан тўлдирмоқчи.
Афсуски, ўзаро учрашувнинг иккинчи бўлими ўрталарида Ўзбекистон терма жамоаси ҳимоячиси қизил карточка олиб, “Ланс”ни ПСЖ билан бир киши кам бўлиб ўйнашга мажбур қилди. ВАР аралашувидан кейин унинг қўполлиги майдондан четлатиш билан жазоланди. Биринчи бўлимда ҳам 20 ёшли футболчи қўпол подкат учун огоҳлантириш олганди.
Бу вазиятдан кейин ПСЖнинг фикри ўзгардими?
Йўқ, ПСЖ ҳали ўз мақсадидан воз кечгани йўқ. Лекин ёш ҳимоячи “Ланс”нинг қолган ўйинларида ўзини янада кўпроқ кўрсатишига тўғри келади.
Жорий мавсумда Абдуқодир Ҳусанов “Ланс”нинг барча турнирлардаги 12 та учрашувида иштирок этиб улгурди. Бу беллашувларнинг деярли барчасида ҳимоячи жуда фаол ва ишончли ўйнади. Табиийки, бу унинг трансфер суммаси кўтарилишига асос бўлади.
Transfermarkt портали бугунги кунда Ҳусановни 5 миллион еврога баҳоламоқда. Фанциянинг нуфузли манбаси L'Equipe Абдуқодирнинг нархи аллақачон 10 миллион евродан ўтиб кетганини ёзди. “Ланс” эса, ўз ҳимоячиси учун бу сумманинг камида уч бараварини сўрайди, - деб ёзмоқда foot-sur7.fr портали анатилики Леонс Сириак.
Эслатиб ўтамиз, Абдуқодир Ҳусанов 2023 йилнинг ёзидан бери “Ланс” жамоасида тўп тепяпти. Жамоа мухлислари янги мавсумнинг сентябрь ва октябрь ойларида Абдуқодир Ҳусановни “Ланс”нинг энг яхши ўйинчиси, деб топди. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Мевали дарахтларни қандай кесиш керак?
Муваффақиятнинг сири нимада?
Нью-Йорк шаҳри олдида жиддий хавф пайдо бўлди
Кимни қисқартирсам экан? (ҳажвия)
Хитой Россия ва КХДР ўртасидаги «муносабатлар»ни «уларнинг шахсий иши» деб атади
Шавкат Мирзиёев Россия ҳукумати раисининг ўринбосарини қабул қилди
Чегарада ўзбекистонлик ҳайдовчи калтакланган: айбдорни Қозоғистон полицияси қидиряпти
Ўзбекистон экспортида янги бозорлар ҳақида маълумот берилди
